काठमाडौं- भारतमा कोरोना भाइरसको संक्रमण तीव्र गतिमा बढ्दै कोरोना संक्रमितको संख्या आइतबार ८ हजार ५ सय ४ पुगेको छ। संक्रमण फैलन नदिन सरकारले लकडाउन गरिरहेको छ। संक्रमणबाट २ सय ८९ जनाको मुत्यु भइसकेको छ। भारतमा आइतबार एक जनाको मुत्यु भएको छ। आइतबार मात्र ५८ जना नयाँ बिरामी थपिए।
पाकिस्तानमा आइतबार २ जनाको मुत्यु भयो। योसँगै पाकिस्तानमा मृतकको संख्या ८८ पुगेको छ। आइतबार १ सय ५९ जना नयाँ संक्रमित भेटिएका छन्। पाकिस्तानमा ५ हजार १ सय ७० जना संक्रमित भएका छन्।
अफगानिस्तानमा आइतबार ५२ जना नयाँ बिरामी थपिएका छन्। योसँगै अफ्गानिस्तानमा मृतकको संख्या १८ पुगेको छ। ६ सय ७ जनामा कोरोना संक्रमण देखिएको छ।
आइतबार बंगलादेशमा ४ जनाको मुत्यु भएको छ भने १ सय ३९ जनामा कोरोना भाइरस संक्रमण देखिएको छ। योसँगै बंगलादेशमा मृतकको संख्या ३४ पुगेको छ। ६ सय २१ जना संक्रमित भएका छन्।
श्रीलंकामा ५ जना नयाँ बिरामी थपिएका छन्। यो सँगै श्रीलंकमा संक्रमितको संख्या २ सय ३ पुगेको छ। ७ जनाको मुत्यु भएको छ।
माल्दिभ्समा आइतबार एक जना बिरामी थपिएका छन्। योसँगै माल्दिभ्समा संक्रमितको संख्या २० पुगेको छ। १३ जना उपचारपछि निको भएर घर फर्किसकेका छन्।
नेपालमा आइतबार ३ जना नयाँ संक्रमित थपिएका छन्। योसँगै नेपालमा संक्रमितको संख्या १२ पुगेको छ भने १ जना उपचारपछि निको भएर घर फर्किसकेका छन्। भुटानमा संक्रमितको संख्या ५ पुगेको छ। २ जना उपचारपछि निको भएर घर फर्किसकेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।