काठमाडौं- तनहुँ जलविद्युत आयोजनाको ठेक्का प्रक्रिया थप एक महिना लम्बिएको छ। तनहुँ हाईड्रोपावर लिमिटेडले गत फागुन १६ गते (फेब्रुअरी २८) मा आयोजनाका लागि दोस्रो पटक टेण्डर सुचना प्रकाशित गरेर २०७७ वैशाख १ (१३ अप्रिल) भित्र प्रस्ताव पेश गरिसक्न भनेको थियो। तर टेण्डर प्रस्ताव पेश गर्न तोकिएको अन्तिम मिति सकिन ४ दिन अगावै गत शुक्रबार आयोजनाले टेण्डर प्रक्रिया आगामी जेठ ७ गते (मे ११) सम्मका लागि लम्ब्याएको हो।
तनहुँ हाईड्रोपावर लिमिटेडका प्रबन्ध निर्देशक प्रदीप कुमार थिकेले लकडाउनका कारण टेण्डर प्रस्ताव पेश गर्ने समय थप गरिएको बताए। उनका अनुसार बोलपत्र निवेदन लिने र बुझाउने दुवै कामका लागि समय थपिएको हो।
हालसम्ममा ७ वटा कम्पनीले निवेदन किनेका छन्। आयोजनामा पहिलो चरणको कामअन्तर्गत १ सय ४० मिटर अग्लो ड्याम, नदी डाइभर्सन तथा सुरुङ निर्माणलगायत हेडवर्कस्को कामका लागि टेण्डर आह्वान गरिएको थियो।
तनहुँ जलविद्युत आयोजनामा काम गरिरहेको इटालियन ठेकेदार कम्पनी सिएमसी गतवर्ष फागुनमा काम छाडेर भागेपछि उक्त आयोजनाको नयाँ ठेक्का सम्झौता प्रक्रिया अझै टुंगिन सकेको छैन।
सिएमसीसँग भएको ठेक्का सम्झौतालाई समेत हेर्दा आयोजनाका लागि टेण्डर सूचना प्रकाशित गरेको यो चौथो पटक हो। सिएमसी भागेपछि आयोजनाको पहिलो चरणको काम सक्न गत वैशाखमा दोश्रो पटक टेण्डर आह्वान गरिएको थियो। तर आयोजनामा लगानी गरिरहेका एसियाली विकास बैंक (एडिबी) र युरोपियन लगानी बैंक (इआइबी) लगायत संस्थाहरूले दोश्रो चरणको टेण्डर प्रक्रियामा सहभागी भएका कम्पनीहरुको योग्यता नपुगेको भन्दै ती प्रस्ताव अस्वीकृत गरेपछि तेश्रो पटक ग्लोबल टेण्डर आह्वान गरी ठेक्का प्रक्रिया अगाडि बढाइएको थियो।
अहिले लकडाउनका कारण समयावधि १ महिना थपेर चौथोपटक सूचना प्रकाशित गरिएको छ। दोश्रो चरणको ठेक्का प्रक्रियामा तीनवटा चिनियाँ कम्पनी सिनो हाइड्रो कर्पोरेसन लिमिटेड, चाइना गेजुवा ग्रुप कम्पनी लिमिटेड, र चाइना नेशनल इलेक्ट्रिक इन्जिनियरिङ कर्पोरेसन लिमिटेडले प्रस्ताव पेश गरेका थिए। त्यस्तै ‘सोङ डा कर्पोरेसन भियतनाम र कालिका कन्ट्रक्सन नेपालको संयुक्त उपक्रम (जेभि) मा पनि प्रस्ताव परेको थियो। तर प्रस्ताव परेका यी सबै कम्पनीहरुले टेण्डर प्रक्रियाका लागि तोकिएको योग्यता नपुगेको भन्दै तेश्रो पटक टेण्डर आह्वान गरिएको हो।
१ सय ४० मेगावाट उत्पादन क्षमता रहेको उक्त आयोजना सन् २०२३ सम्ममा निर्माण गरिसक्ने लक्ष्य लिइएको छ। आयोजना निर्माणको पहिलो चरणमा नै ठेकेदार कम्पनीले काम छाडेको र नयाँ ठेकेदार कम्पनी छनौट गर्ने एक वर्षभन्दा बढी समय लागेपिछि निर्माणको काम समयमै सम्पन्न गर्न थप चुनौतीपूर्ण हुने देखिएको छ।
पहिलो चरणमा बाँधमा निर्माणलगायतका काम सक्काउन ठेक्का प्रक्रिया अगाडि बढाइएको तनहुँ जलविद्युत कम्पनीले जनाएको छ। आयोजनाको दोश्रो चरणको काम भने चिनियाँ कम्पनी सिने हाईड्रो लिमिटेडले गरिरहेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1743937872.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743930985.png)
-1743318385.png)
-1742289396-1743592964.jpg)
