काठमाडौं- उपत्यकाबाट घर जाने सर्वसाधरणलाई कसरी पठाउने विषय स्पष्ट पार्न गृह मन्त्रालयले नोटिस जारी गर्ने तयारी गरेको छ। काठमाडौंमा रहेका बाहिरी जिल्लाका स्थानीयलाई सरकारले शुक्रबार र शनिबार घर जान दिने निर्णय गरेपनि अस्पष्ट भएको भन्दै मन्त्रालयले नोटिस जारी गर्ने तयारी गरेको हो।
कोरोना भाइरस रोग रोकथाम तथा नियन्त्रण उच्चस्तरीय समितिले काठमाडौ उपत्यकामा बसोबास गर्ने सार्वसाधरणलाई आ–आफ्नो जिल्ला जान दिने निर्णय गरेको थियो। उपत्यकामा बसोबास गर्ने गरिब विपन्न ज्यालामजदुरी गर्ने व्यक्तिलाई बस्न कठिन भएपछि आ आफ्नो गृहजिल्ला जान दिने निर्णय गरेको जनाएको थियो। समिति बैठकले गृह, स्थानीय विकास, कृषि र पर्यटन मन्त्रीलाई राखेर कसरी गृह जिल्ला पठाउने भन्ने विषयमा छलफल गरेको एक मन्त्रीले बताए।
घर जाने सबै सर्वसाधरणको लगत संकलन गरी सम्बन्धित स्थानीय तहले क्वारेन्टनटाइनमा राख्नुपर्नेमा राख्ने नभए अन्य विकल्प दिएर यात्रुको व्यवस्थापन गर्ने ती मन्त्रीको भनाइ छ।
गृह मन्त्रालयले सुरक्षाको व्यवस्था गर्ने छ भने संघीय मामिला मन्त्रालयले गाडीको व्यवस्था गरेर सम्बन्धित जिल्लासम्म पुर्याइने भएको छ। उपत्यकाबाट धेरैजसो सर्वसाधरण रातीराती भागेर जान थालेपछि समितिले समिति व्यक्तिलाई आ आफ्नो घर जाने व्यवस्था गर्न लागेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782563266.png)
-1764146706.png)
