काठमाडौं–सगरमाथा क्षेत्रमा अलपत्र परेका पर्यटकको उद्धारका लागि ४ वटा वायुसेवा कम्पनीले उडान अनुमति पाएका छन्। जसमा नेपाल एयरलाइन्सले ५ वटा, तारा एयरले ४ वटा, समिटि एयरले १ र सीता एयरले ३ वटा उडानको अनुमति पाएका हुन।
पर्यटन बोर्डको नेतृत्वमा भएको पर्यटक उद्धारका लागि विभिन्न देशका दूतावासले जहाज चार्टर गरेर आफ्ना नागरिक काठमाडौं ल्याएका हुन। शनिबारमात्रै लुक्लाबाट २ सयको हाराहारीमा विदेशी नागरिकको उद्धार हुने नेपाल नागरिक उड्डयन प्राधिकरण महानिर्देशक राजन पोखरेलले जानकारी दिए। लुक्ला उडानका लागि परराष्ट्र मन्त्रालय हुँदै नेपाल नागरिक उड्डयन प्राधिकरणले अनुमति दिएको हो।
योसँगै लुक्लाबाट केलाश हेलिकोप्टरले पनि दुई वटा उडानमार्फत् विदेशी उद्धार गरिसकेको पोखरेलले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
