काठमाडौं- एनसेलका सबै ग्राहकले अब रिचार्ज गर्दा १ सय २० प्रतिशत बोनस प्राप्त गर्ने भएका छन्। कोरोना भाइरसको संक्रमणबाट लाग्ने रोग कोभिड-१९ नियन्त्रण तथा रोकथामका लकडाउनका अवस्थामा सञ्चार सम्पर्क स्थापनामा कुनै कठिनाइ नहोस् भन्ने उद्देश्यले बोनस दिन लागिएको एनसेले जानकारी दिएको छ।
ग्राहकले रिचार्जबापत प्राप्त गर्ने बोनस रकमबाट एनसेल नेटवर्क भित्रका सकै नम्बरमा कल गर्न, एसएमएस गर्न र इन्टरनेट चलाउन प्रयोग गर्न सक्ने जानकारी एनसलले दिएको छ। रिचार्ज कार्ड, भिएफटी, इलेक्ट्रोनिक रिचार्ज लगायत सबै माध्यमबाट हुने रिचार्जमा यो बोनस प्राप्त गर्न सकिनेछ।
यो योजना अन्तर्गत एनसेलका ग्राहकले ५०, १००, २००, ३००, ५०० र १००० रुपैयाँको रिचार्जमा बोनस प्राप्त गर्न सक्छन्। उदाहरणका लागि रु ५० रिचार्ज गर्ने ग्राहकले बोनस स्वरुप रु ६० प्राप्त गर्दछन्। त्यस्तै रु ५०० रिचार्ज गर्ने ग्राहकले बोनस स्वरुप रु ६०० प्राप्त गर्दछन्। बोनस रकम तीन दिनसम्मका लागि मात्र मान्य हुने एनसेलले जनाएको छ।
विपद्लाई दृष्टिगत गरी बुधबार मात्र एनसेलले निःशुल्क ब्यालेन्स ट्रान्सफर सेवा, ७ दिन समयावधि भएको १५ जिबीको स्टे होम प्याक र रु २०० सम्म एनसेल सापटी लिन सकिने व्यवस्था पनि गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
