काठमाडौं- काठमाडौं महानगरपालिकाले सम्पूर्ण वडामा अतिविपन्न र ६ महिनादेखि वडा क्षेत्रमा बसोबास गर्दै आएका श्रमिक कामदारहरुको विवरण संकलन गर्ने भएको छ। बिहीबार महानगरपालिकाले सो तथ्यांक संकलन गरी महानगरको प्रशासन विभागमा पठाउन वडा कार्यालयलाई निर्देशन दिने निर्णय गरेको हो।
महानगरपालिकाका मेयर विद्यासुन्दर शाक्यको अध्यक्षतामा बसेको बैठकले आफ्नो वडाअन्तर्गत दैनिक ज्यालादारी, मजदूरी गर्ने तथा सडकमा बस्ने घरबार विहीन मानिसहरुलाई लक्षित गरी कोरोना रोकथाम र नियन्त्रका लागि वडामा जम्मा भएको रकमबाट खर्च व्यहोर्ने निर्णय पनि गरेको छ।
महानगरपालिकाले आफ्नो वडा क्षेत्रमा रहेका खाद्य पदार्थको पसल नियमितरुपमा सञ्चालन गर्न/गराउन र सकेसम्म घरघरैमा सामान आपूर्ति कारयमा सहयोग गर्ने निर्णय पनि गरेको छ।
महानगरपालिकाले वडाबाट हुँदै आएको फोहोरमैले व्यवस्थापन प्रभावकारी ढंगले सञ्चालन गर्ने र विदेशबाट आएका नागरिकको बसोबासको विवरण संकलन गर्ने निर्णय पनि महानगरपालिकाले गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
.JPG)
-1764146706.png)
-1763721444.png)
