कोरोना भाइरसको परीक्षण किट पठाउन एनआरएन दक्षिण कोरियाको सक्रियता

कोरोना अपडेट

नेपाल लाइभ बुधबार, चैत १२, २०७६ १०:०८

काठमाडौं–दक्षिण कोरियास्थित गैरआवासीय नेपाली संघ (एनआरएन)ले कोरोना भाइरस परीक्षण किट नेपाल पठाउन सक्रियता देखाएको छ।

एनआरएन कोरियाले त्यहाँ उत्पादित किटहरु सरकारसँग समन्वय गरेर नेपाल पठाउने प्रक्रिया सुरु गरेको हो। किट नेपाल पठाउनका लागि त्यहाँस्थित सरकारसँग प्रक्रियाका लागि छलफल भइरहेको एनआरएन कोरियाका अध्यक्ष यज्ञराज सुवेदीले जानकारी दिए।

तत्कालै रियल टाइम पिसिआर किट र स्यानीटाइजर नेपाल पठाउन सकिने अध्यक्ष सुवेदीले जानकारी दिए। विश्वभरिबाट कोरियाली उपकरणहरूको माग बढी रहेको उनले जानकारी दिए। कोरियामा निर्मित किटले कोरोना १९ को भाइरस छिटो परीक्षण गर्न सकिने बताइएको छ। उपकरणहरु उपलब्ध भए पनि त्यसलाई नेपालसम्म ल्याउने प्रक्रियाको पहल सरकारबाटै हुनुपर्ने सुवेदीको बताए। उनले भने,‘तत्कालका लागि २ हजार किट छन्। नेपालसम्म पुर्‍याउन सरकारी तबरबाटै सक्रियता देखाउनुपर्छ। संस्थाको पहलले मात्रै नेपाल पुग्ने परिस्थिति अहिले छैन।’

अमेरिकी राष्ट्रपति डोनाल्ड ट्रम्पले कोरियन राष्ट्रपतिलाई फोन सम्पर्क कोभिड १९ विरुद्धको युद्धमा सहयोग गर्न आग्रह गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आजको मौसमः तराईमा हुस्सु, पहाडमा सामान्यतया सफा रहने

गायिका मङ्गेशकरको स्वर रहेको ‘बाचुन्जेलीलाई’ सार्वजनिक

राष्ट्रसङ्घीय मानवअधिकार परिषद्बाट इजरायल अलग