काठमाडौं- सूचीकृत कम्पनीले आफ्नो कुनै पनि निर्णय कारोबार अवधिमा सार्वजनिक गर्न पाउँदैनन्। अति संवेदनशील बजारमा कम्पनीले गर्ने निर्णयले कारोबार प्रभावित हुने भन्दै कारोबार सुरू हुनुभन्दा अगाडि वा कारोबार सकिएपछि मात्रै विभिन्न गतिविधि गर्न पाइन्छ।
तर, बिहीबार कारोबार अवधिमै नेपाल धितोपत्र बोर्डमा कारोबार रोक्ने या नरोक्ने भन्ने विषयमा नेपाल स्टक एक्सचेन्ज, ब्रोकर एसोसिएसन, लगानीकर्ताका संघ संस्थाहरूसहितको बैठक बस्यो। बोर्डमा लगानीकर्ता तथा ब्रोकरले कारोबार रोकिनुपर्छ भन्दै माग राख्दा दोस्रो बजारमा चलखेल सुरू भयो।
कोरोनाको प्रभावले सेयर बजार लगातार ओरालो झरिरहेको अवस्थामा यस्तो घटनाले बजारमा तीव्र उतारचढाव देखियो। बैठक बस्नु अगाडि घटिरहेको बजार बैठकपछि सुधार देखियो। ८० करोड रूपैयाँभन्दा तलको कारोबार भइरहेकोमा बैठकपछि कारोबार रकम पनि बढ्यो।
संवेदनशील बजारमा नियामक निकायकै असंवेदशीलता देखिएको बजार विश्लेषक सुरज अधिकारीले बताए। उनले भने, 'नियामक नियकाय नै बजारको संवेदनशीलता भुलेर बजार प्रभावित हुने गरी बैठक बस्नु गैरकानुनी हो।'
नेपाल धितोपत्र बोर्डले कसैलाई पनि नबोलाएको बोर्डका प्रवक्ता निरज गिरीले बताए। लगानीकर्ताहरू नै मागपत्र लिएर आएको हुँदा छलफलमा बसेको उनले स्पष्टिकरण दिए। लगानीकर्ताहरूले मागपत्र प्रस्तुत गर्नुमा कुनै गल्ति नभए पनि कारोबार अवधिमै नीतिगत निर्णय हुने विषय वस्तुमा बोर्ड गैरजिम्मेवार दिएको बजार विश्लेषक अधिकारीको राय छ।
लगानीकर्तासँगको छलफलपछि बोर्डले ब्रोकरहरूलाई बोलाएको ब्रोकर एसोसिएसनका अध्यक्ष भरत रानाभाटले जानकारी दिए। समग्र अवस्थालाई संवेदनशील भएको हुँदा छलफल गरिएको विषय खासै संवेदनशील नभएको उनको तर्क छ। तर, बोर्डले कारोबार सुरू हुनुभन्दा अगाडि र कारोबार सकिएपछि छलफल गर्नुपर्ने विज्ञहरू बताउँछन्। अरूलाई नियमनको दायरामा हिडाउने संस्थाहरूले नै यस्तो गतिविधि गर्नु अवान्छित भएको उनिहरूको तर्छ।
सरकारले कुनै पनि वेला नीतिगत निर्णयहरू गर्न सक्छ। यदि कारोबार अवधिमै सरकारले निर्णय गर्यो भने के गर्ने बोर्डका एक अधिकारीले तर्क व्यक्त गरे। तर यस्ता छलफलका विषयलाई लिएर नेपाल धितोपत्र बोर्ड संवेदनशिल हुनु पर्ने थियो प्रवक्ता गिरीले भने 'विशेष परिस्थितिमा यस्तो छलफल भएको हुँदा अन्यथा सोच्नु हुँदैन।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791692981.webp)
-1786602170.png)
