काठमाडौं–स्वास्थ्य तथा जनसंख्यामन्त्री भानुभक्त ढकालले एसइइ परीक्षा सञ्चालन कहिलेबाट गर्ने भन्ने विषय केही दिनमा नै टुंगो लगाउने बताएका छन्। सरकारले कक्षा १ देखि ९ सम्मको परीक्षा ५ चैतमा सक्ने निर्णय गरे पनि एसइइबारे कोरोना महामारीको अवस्था कुन स्तरसम्म पुग्छ १, २ दिन हेरेरमात्र उपयुक्त निर्णय लिइने उनले बताए।
आइतबार राष्ट्रिय सभामा बोल्दै उनले एसइइका बारेमा सरकार कुनै निष्कर्षमा पुगिनसकेको जानकारी गराए। राष्ट्रिय सभामा बोल्ने सांसदहरुले कोरोनाको त्रासका बीचमा एसइइ सञ्चालन गर्न नहुने भएकाले सरकारले के गरिरहेको छ भनि प्रश्न सोधेका थिए।
‘अहिलेसम्म नेपालमा यो संक्रमण भित्रिएको छैन,’ उनले भने, ‘१ देखि ९ कक्षाको परीक्षा सकिएपछि स्कूलहरू बिदा हुन्छन्। यस्तै एसइइ परीक्षा सञ्चालन कहिलेबाट गर्ने १, २ दिनमा नै निर्णय गर्ने छौं।’
हालसम्म नेपालमा ४ सय जना ६४ जनामा कोरोना परीक्षण गरिएको र कसैमा संक्रमण नदेखिएको उनले बताए।
कोरोना भाइरस नेपालमा प्रवेश गर्न नदिन सरकारले प्रयास गर्दै जनतामा सचेतना जगाउने काम गरिरहेको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779193203.png)
-1764146706.png)
