नयाँ दिल्ली- बलिउड सुपरस्टार शाहरुख खानका तीन सन्तानहरु फिल्म उद्योगमा चर्चित स्टार किड्समध्येमा पर्छन्। सुहाना र आर्यन सामाजिक सञ्जालमा सक्रियसँगै चर्चित पनि छन्।
त्यस्तै अबरामका सुन्दर फोटाहरु पनि इन्टरनेटमा समय समयमा चर्चित भइरहन्छन्। शाहरुख खानकी छोरी सुहाना खानको तस्वीर समय समयमा भाइरल हुने गरेको छ। उनको एकाउन्ट पहिला प्राइभेट थियो अहिले पब्लिक भएको छ।
एकाउन्ट पब्लिक भएसँगै इन्स्टाग्रामले एकाउन्टलाई ब्लु टिक मार्क आएको छ। सुहानाका प्रशंसकका लागि यो खुशीको कुरा हो। बलिउड डेब्युभन्दा पहिले सुहानाको लगभग १ लाख ३० हजार फलोअर्स रहेका छन्।
सुहानाले इन्स्टाग्राममा परिवारसँग कफि खाँदै गरेको फोटो शेयर गरेकी छन्। साथीहरुसँगको फोटो पनि उनले शेयर गरेकी छन्। उनको उक्त फोटोहरु भाइरल भएका छन्।
११ हप्ता पहिले अपडेट
सुहानाले इन्स्टाग्राम अकाउन्टमा आफ्नो पहिलो पोस्ट ११ हप्ता पहिला गरेकी थिइन्। सुहाना छिटै बलिवुड प्रवेश गर्ने हल्ला चल्दै गर्दा उनको पोस्ट भाइरल हुँदै गएको छ। शाहरुख खानले पनि कयौं पटक सुहाना एक्टिङग कक्षा लिइरहेको र सकिएपछि फिल्ममा आउने बताउँदै आएका थिए। न्यूयोर्क युनिभर्सिटीमा उनी अभिनयको कक्षा लिइरहेकी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
