काठमाडौं- सरस्वती युवा क्लबका कप्तान दिपेश श्रेष्ठ दुई वर्षको प्रतिबन्धमा परेका छन्।
अखिल नेपाल फुटबल संघ (एन्फा) ले रेलिगेसनमा परेको सरस्वती युवा क्लबका कप्तान दिपेशलाई ५० हजार नगद जरिवनासँगै दुई वर्षका लागि प्रतिबन्ध लगाएको हो। सहिद स्मारक ए डिभिजन लिग फुटबलअन्तर्गत हिमालयन शेर्पा क्लबविरुद्धको खेलमा नियम विपरित कार्य गरेको भन्दै एन्फाको अनुशासन समितिले उनलाई प्रतिबन्ध लगाएको हो।
फागुन १३ गतेदेखि नै लागु हुने गरी सरस्वती युवा क्लबलाई समेत बोधार्थ गर्दै दिपेशलाई एन्फाले पत्र पठाएको छ।
एन्फाले दिपेशलाई कारबाही गरेपनि हिमालयन शेर्पा क्लबका गोलकिपर प्रशिक्षक मिनबहादुर बस्नेतलाई भने चेतावनी मात्रै दिइएको छ।
मिनबहादुरलाई पठाइएको पत्रमा भनिएको छ, ‘सहिद स्मारक ए डिभिजन लिग फुटबल अन्तर्गत हिमालयन शेर्पा र सरस्वती युवा क्लबबीच भएको खेलमा तपाई गोलकिपर प्रशिक्षकले प्रतियोगिता नियमावली २१(७) बमोजिम विपरित कार्य गरेकाले, मिति २०७६-११-२ गते बसेको अनुशासन समितिको बैठकको निर्णय बमोजिम तपाईलाई एक पटकका लागि सुध्रने मौका दिई कडा चेतवनीका साथ पत्र पठाइएको जानकारी गराइन्छ।’
त्यस्तै, हिमालयन शेर्पा क्लबकै टिम म्यानेजर विजेन्द्र पुडासैनीलाई भने तीन महिना प्रतिबन्ध र ३० हजार नगद जरिवना गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
