एजेन्सी- सपना एक रहस्यमय विषय हो। जसलाई विभिन्न मनोवैज्ञानिकहरूले आ-आफ्नो ढङ्गबाट विश्लेषण गर्दै आएका छन्। सिग्मन्ड फ्रायडदेखि विभिन्न मनोवैज्ञानिकहरूले यसबारे खोज गरेका छन्। कसैले यसलाई ऐनाको रुपमा चित्रण गरेका छन् भने कसैले दबिएका भावनाहरू नै उजागर भएर आउने माध्यम बताएका छन्। तर‚ सपनाका बारेमा अहिलेसम्म पत्ता लागेका ८ तथ्यहरू यस्ता छन्:
१. सपना लामो समयसम्म स्मरणमा रहँदैनन्
विज्ञहरूका अनुसार हामीले देखेका सपनाको करीब ९० प्रतिशत जति हिस्सा हामी विपनामा छँदा बिर्सिने गर्छौं।
यो मानिसअनुसार कसैले धेरै सम्झिन सक्छन् भने कसैले कम मात्रामा सम्झिन्छन्। केही निश्चित सपनामात्र हामीले सजिलै सम्झन सक्छौं। तर‚ तीमध्ये धेरै हामीले सँधैका लागि बिर्सन्छौं।
२. नाइट भिजन
आँखा नदेख्ने मानिसहरू पनि सपना देख्छन्।
अचम्म लाग्दो कुरो त के छ भने‚ जो बच्चा जन्मेदेखि नै दृष्टीविहीन छ उसले सपना देखिरहेको हुन्छ। तर‚ उनीहरूको सपना देख्ने मानिसको जस्तो भने हुँदैन।
३. सपनामा पनि परिचितकै अनुहार
मनोविज्ञानका अनुसार हामीले पहिलेदेखि नै जानिसकेका‚ देखिसकेका कुरालाई सपनाको रुपमा देख्छौं।
हामीले सपनामा देखेका मुहारहरु त्यसभन्दा अगाडि नै हामीले हाम्रो जीवनमा देखिसकेका हुन्छौं।
४. सादा सपना
सबै मानिसले रङ्गिन सपना देख्दैनन्। प्रायःजसोले आफ्नो सपना सादा देख्छन्।
कतिपय मानिसहरूले आफूले देखेको सपना रङ्गिन थियो कि सादा थियो भन्ने छुट्याउन सक्दैनन्।
अमेरिकन साइकोलोजी एशोसियशनका अनुसार उमेरले बुढेसकाल लागेका मानिसहरूले सादा सपना देख्छन्।
५. सांकेतिक अर्थ
सपना नै संकेतहरू पनि हुन्। सपनामा देखिएका कतिपय घटनाहरू वास्तविक जीवनसँग पनि मेल खाइरहेका हुन्छन्।
सपनामो बारेमा धेरै अघिदेखि खोज/अनुसन्धान भइरहेका छन्।
६. आँखा छिटो-छिटो झिम्कनु
हामीले सपना देख्दा आँखाको चालमा सामान्य अवस्थाको भन्दा परिवर्तन आउँछ।
यस्तो बेलामा हाम्रो दिमाग सक्रिय हुन्छ।
७. स्वस्थ व्यक्तिले कति सपना देख्छ?
सामान्यतः स्वस्थ मानिसले हरेक रात ४ देखि ७ वटासम्म सपना देख्ने गर्छ।
जब हामी कुनै सपना सम्झन्छौं‚ त्यो सपना धेरै अगाडि नै आफूले देखेको महशुस हुन्छ।
८. जनावरहरू सपना देख्छन्?
हामीमध्ये कतिले ख्याल गरेक छौं कि बिराल अथवा कुकुरले निदाइरहेका बेला पनि विभिन्न हाउभाउ देखाइरहेका हुन्छन्।
कसैले खुट्टा चलाउँछन्‚ कतिपय रुन्छन्‚ केही छट्पाटाउँछन्।
निदाइरहेका बेलामा पनि उनीहरूको दिमागमा केही न केही चलरहेकै हुन्छ कि भन्ने विषयमा भने अझैपनि स्पष्ट भने भइसकेको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788878240.jpeg)
-1786602170.png)
