काठमाडौं- सहिद स्मारक ‘ए’ डिभिजन लिग फुटबलमा नेपाल पुलिस क्लबले फ्रेन्ड्स क्लबलाई ३–० ले हराएको छ। पुलिसको जितमा जुमानु राईले ह्याट्रिक गरे।
सातदोबाटो स्थित एन्फा कम्प्लेक्सको मैदानमा भएको खेलमा पहिलो हाफ गोलरहित बराबरीमा सकिएको थियो। दोस्रो हाफमा हेमन्त श्रेष्ठको स्थानमा मैदान प्रवेश गरेका जुमानुले ह्याट्रिक नै गरे।
पुलिसका लागि खेलको ४९औँ मिनेटमा पहिलो गोल गरेका जुमानुले ५६औँ र ८५औँ मिनेटमा गोल गर्दै ह्याट्रिक पूरा गरे।
पुलिसले लिगका सबै खेल खेलिसक्दा २० अंक बनाएर पाँचौँ स्थानमा रहेको छ। ६ खेल जितेर दुई बराबरी गरेको पुलिसले ५ खेल हारेको थियो। यस्तै १४ अंक रहेको फ्रेन्ड्स क्लब १०औँ स्थानमा छ।
लिग शनिबार सकिनेछ। जसमा शनिबार दशरथ रंगशालामा हुने मछिन्द्र र त्रिभुवन आर्मीबीचको खेलले विजेताको टुंगो लाग्नेछ।
बिहीबार नै एपिएफ र बिग्रेड ब्वाइज क्लबबीच पनि खेल चलिरहेको छ। बिहीबार तेस्रो खेलमा सरस्वती युथ क्लब र संकटा क्लब खेल्दैछन्। सरस्वती क्लब पुछारमा रहँदै रेलिगेसनमा परिसकेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
