काठमाडौं- आइसिसी विश्वकप क्रिकेट लिग–टु अन्तर्गत त्रिदेशीय सिरिजमा नेपालले अन्तिम खेलमा अमेरिकासँग बुधबार खेल्दैछ। ओमानसँग दुई खेल हारेर अमेरिकालाई हराएको नेपालले घरेलु मैदानमा सम्माजनक नतिजा पाउन अमेरिकालाई दोस्रो खेलमा पनि हराउनु पर्ने दबाब छ।
अमेरिकालाई सिरिजमा दोस्रो पटक पराजित गर्न सके नेपालले ४ खेलमा ४ अंक बनाउनेछ। यसअघि नेपालले पहिलो खेलमा अमेरिकालाई ३५ रनले हराएको थियो।
नेपालले ओमानसँगको पहिलो खेलमा १८ रनले र दोस्रो खेलमा ८ विकेटको हारेको थियो। ओमान नेपालभन्दा धेरै बलियो टिम नभए पनि यो सिरिजमा भने उसले अमेरिका र नेपाललाई सहज रुपमा नै हरायो। जसमा ओमानले तीन वटा त शतक नै बनायो।
ओमानले ४ खेलमा सतप्रतिशत जित्दै ८ अंक बटुल्यो। नेपाल र अमेरिका दुबै टिमलाई मात खुवाउँदै ओमानले नेपाल टुर सकाएको छ। पहिलो खेलमा ६ विकेटले अमेरिकालाई पराजित गरेको ओमानले दोस्रो खेलमा ९२ रनको जित हात पार्यो।
गत बुधबार सिरिजमा हारबाट सुरुवात गरेको नेपाल भोलि बुधबार नै अमेरिकाविरुद्ध जित हात पार्दै सुखद अन्त्य गर्ने दबाबमा छ। सिरिजमा कमजोर प्रदर्शन गरेको अमेरिका पनि नेपाललाई पराजित गर्दै अन्तिम जितको खोजीमा हुने नै छ।
.JPG)
बलिङको भरले मात्र हुँदैन
सिरिजमा अहिलेसम्म सबै खेल हारे पनि अमेरिका कमजोर टिम भने होइन। उसले लिग टु मा ११ खेल खेल्दा ६ खेलमा जित र ५ खेलमा हार ब्यहोर्दै १२ अंक बनाएर अंक तालिकामा दोस्रो स्थानमा छ। नेपालको भने ३ खेलमध्ये १ खेलमा जित र २ खेलमा हारसहित २ अंक छ।
पहिलो खेलमा अमेरिकाविरुद्ध टस हारेर पहिले ब्याटिङ गर्दै ४९.२ ओभरमा सबै विकेटको क्षतिमा नेपालले १ सय ९० रन मात्रै बनाएको थियो। नेपालका लागि विनोद भण्डारीले ५९ र डेब्यु गरेका कुशल मल्लले ५० रन बनाएका थिए।
.JPG)
५० ओभरको खेलमा १ सय ९१ रनको लक्ष्य दिनु निकै सामान्य हो। यो खेलमा नेपालको बलिङ नचलेको भए पराजित हुने निश्चित थियो। तर नेपाली बलर सन्दीप लामिछाने, करण केसी र सुशन भारीले सुरुवाती ५ विकेट चट्काएपछि अमेरिकाको ब्याटिङ अस्थिर बनेको हो।
तर पनि अमेरिकाका इयान होल्यान्डले उत्कृष्ट ब्याटिङ गर्दै ७५ रन बनाउन भ्याए। बुधबार हुने खेलमा अमेरिकाका होल्यान्ड जस्तै स्टेभन टेलर, ज्याभिर मार्शल, कप्तान सौरभ नेत्राभाल्कर जस्ता राम्रा खेलाडी चले नेपाल धरापमा पर्न सक्छ।
अमेरिकाविरुद्ध नेपालको ब्याटिङ नराम्रो नै हो। जित सम्भव बलरले बनाएका थिए। त्यसमा पनि अमेरिका सिरिजमा नै स्पिन बलिङ खेल्न नसक्ने देखिएको छ। ओमानविरुद्ध ब्याटिङ चलेर पनि खेल हार्न पुगेको नेपालले सबै पक्षमा सुधार गर्ने जरुरी देखिन्छ नै।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
