काठमाडौं- आइसिसी विश्वकप क्रिकेट लिग–टु अन्तर्गत त्रिदेशीय सिरिजमा ओमानले अमेरिकालाई २७७ रनको लक्ष्य दिएको छ।
त्रिवि क्रिकेट मैदानमा टस हारेर पहिले ब्याटिङ गरेको ओमानले निर्धारित ५० ओभरमा ६ विकेटको क्षतिमा २७६ रन बनाएपछि अमेरिकाले ठूलो लक्ष्य पाएको हो। ओमनका लागि कप्तान जिसान मकसोद र अकिब इलियासले उत्कृष्ट प्रदर्शन गर्दै उकासेका हुन्।
तेस्रो विकेटका लागि अकिबसँग मिलेर २१६ रनको विशाल साँझेदारी गरेका कप्तान जिसानले शतकसहित १ सय ९ रन बनाएर आउट भए। उनले १ सय ९ बलमा १० चौका र ४ छक्का प्रहार गरे। त्यस्तै, अकिब इलियासले त्रिवि क्रिकेट मैदानमा लगातार दोस्रो शतक बनाए। यसअघि नेपालविरुद्ध सतकसहित अविजित १ सय ९ रन बनाएका अकिबले अमेरिकाविरुद्ध पनि १०५ रन बनाए।
अमेरिकाले विजयी लक्ष्य पछ्याउँदै केही बेरपछि ब्याटिङ थाल्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775660703.png)
-1764146706.png)
-1775575666.png)
