अमेरिकाको छैटौ विकेट पतन, सुशनले लिए २ विकेट

स्पोर्टस लाइभ

नेपाल लाइभ शनिबार, माघ २५, २०७६ १५:१८

काठमाडौं- आइसिसी विश्वकप क्रिकेट लिग–टु अन्तर्गत त्रिदेशीय सिरिजमा नेपालविरुद्ध १९१ रनको चुनौती पछ्याउँदै ब्याटिङ गरेको अमेरिकाले छैटौं विकेट गुमाएको छ।

छौटौं विकेटको रुपमा नेपालका सुशन भारीले अमेरिकाका करिमा गोरलाई १० रनमा आउट गराएका हुन्। करिमालाई पारस खड्काले उत्कृष्ट क्याच आउट गराए।

योसँगै सुशन भारीले पनि २ विकेट लिएका छन्। यसअघि सुशनले पाँचौ विकेटको रुपमा अक्षय होमराजलाई ५ रनमा आउट गराका थिए।

यसअघि करणले स्टेफन टाइलरलाई शुन्य र ज्याभियर मार्शसलाई २ रनमा आउट गराएका थिए। त्यस्तै, सन्दीप लामिछानेले मोहम्मद पटेललाई ४ र आरोन जोन्सलाई ५ रनमा एल्बिडब्लु आउट गराएका थिए।
योसँगै अमेरिकाको १७ ओभरको समाप्तिमा ६ विकेटको क्षतिमा ५२ रन भएको छ।

यसअघि त्रिवि क्रिकेट मैदानमा टस हारेर पहिले ब्याटिङ गरेको नेपालले ४९.२ ओभरमा सबै विकेटको क्षतिमा १९० रन बनाएपछि अमेरिकाले सामान्य लक्ष्य पाएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जलवायु परिवर्तनको असरबारे बोल्दै प्रधानमन्त्री ओलीले भने- हामीले नबिराएको काममा सजाय भोग्नुपरेको छ

कांग्रेसको १०० दिने विशेष अभियान : काम सक्न बाँकी जिल्लालाई समय थप

विपक्षी खेलाडीलाई जानाजान धक्का दिएको भन्दै कोहलीलाई आइसीसीको कारबाही