काठमाडौं- सशस्त्र प्रहरी बलको नेपाल एपिएफ क्लब वीर गणेशमान सिंह स्मृति तेश्रो राष्ट्रिय खुला किक बक्सिङ प्रतियोगितामा च्याम्पियन बनेको छ। एपिएफ ५ स्वर्णसहित टिम च्याम्पियन बनेको हो। च्याम्पियन एपिएफले एक लाख रुपैयाँ पुरस्कार पायो।
ललितपुर जिल्ला किक बक्सिङ संघद्वारा आयोजित प्रतियोगितामा नेपाल आर्मी ३ स्वर्णसाथ दोश्रो भयो। आर्मीले ५० हजार नगद पुरस्कार पायो।
पुरुषमा आर्मीका राजेश चौधरी तथा महिलामा नेपाल प्रहरी क्लबकी रिता ठकुल्ला उत्कृष्ट खेलाडी घोषित भए। दुवैले जनही २५ हजार नगद पुरस्कार प्राप्त गरे।
राजेशले ६५ केजी तथा रिताले ५५ केजीमा स्वर्ण जितेका थिए। स्वर्णवापत दुवैले छुट्टै जनही ३० हजार नगद पुरस्कार पनि पाए। भाटभटेनीले अनुशासित टिमको उपाधि जित्यो भने मार्चपासमा एपिएफ उत्कृष्ट बन्यो।
ललितपुरको चापागाउँस्थित प्याङगाउँमा भएको पुरुष ५० केजीमा मेन डोजोका मनोज राना मगर पहिलो भए। फाइनलमा उनले एपिएफका सञ्जय राईलाई पराजित गरे। आर्मीका यामराज थापा मगर र मेन डोजोका भक्तराज जोशी तेश्रो भए।
.JPG)
उत्कृष्ट खेलाडी रिता ठकुल्ला र राजेश चौधरी।
पुरुष ५५ केजीमा एपीएफका रोहित चुनारो पहिलो भए। उनले आर्मीका तारा तामाङलाई फाइनलमा हराए। मुवाँथाईका दावा फुन्जो शेर्पा र प्रहरीका राजेन्द्र सिन्जाली मगर तेश्रो भए।
पुरुष ६० केजीमा एपीएफका वीरेन्द्र सिंह कोधारीले स्वर्ण जिते। उनले फाइनलमा प्रहरीका मुकेश पण्डितलाई पाखा लगाए। मेन डोजोका सागर दर्जी र मुवाथाईंका विजय रसाइली तेश्रो बने।
पुरुष ६५ केजी फाइनलमा आर्मीका राजेश चौधरीले मुवाँथाईका फुर्देनी शेर्पालाई पन्छाउँदै शीर्ष स्थामा पुगे। बक्समान्डुका मनिषकुमार भुजेल र प्रहरीका समन धुस्रीले कास्य जिते।
पुरुष ७० केजीमा आर्मीका सनीसिंह सुनवारले बाजी मारे। उनले फाइनलमा भाटभटेनीका सविन दिमहुमलाई निराश पारे। सो क्योकुसिनका प्रदीप तामाङ र एपीएफका रुद्र सरुले तेश्रो भए।
पुरुष खुला तौलसमूहमा रेजका कोशिष श्रेष्ठ च्याम्पियन बने। फाइनलमा कोशिषले एपीएफका भुपेन्द्र शाहको चुनौती समाप्त पारे। सो क्योकुसिनका गोपाल महर्जन र एफडब्लु उसुका शंकरबहादुर चौधरी तेश्रो भए।
महिला ६५ केजीमा एपिएफकी विनिता थापा मगरले फाइनलमा आर्मीकी मन्जु विकलाई पन्छाउँदै स्वर्ण चुमिन्। एपीएफकी मनीषा राउत र मेन डोजोकी रविना तामाङ तेश्रो स्थानमा रहे।
महिला खुला तौलसमूहमा आर्मीकी विन्दु पुन पहिलो भइन्। फाइनलमा विन्दुले एपिएफकी जयन्ती श्रेष्ठलाई हराइन्। मेन डोजोकी पुनम कर्माचार्य र मुवाँथाई, पोखराकी सुमी श्रेष्ठ तेश्रो भए।
महिला ६० केजीमा एपिएफकी निशा विक पहिलो भइन्। फाइनलमा निशाले मेन डोजोकी सुस्मिता शाहीलाई पराजित गरिन्। मकवानपुरकी रेश्मा माझी र प्रिया वाइबा तेश्रो भए।
महिला ५० केजीमा एपिएफकी सन्जु माया थिङले स्वर्ण जितिन्। सन्जुले आईकेकेएफकी करिश्मा कार्कीलाई हराइन्। आर्मीका रुविका खड्का र शान्ति थापा मगरले कांस्य जिते।
महिला ५५ केजीमा प्रहरीकी रिता ठकुल्लले फाइनलमा एपिएफकी विद्या गुरुङमाथि जित हात पार्दै पहिलो भइन्। आर्मीका अनुपमा नेपाली र रिना धमाल संयुक्त रुपमा तेश्रो भए।
तीन दिनसम्म चलेको प्रतियोगिताको पुरुषमा ६ र महिलामा ५ गरी ११ स्पर्धामा १ सय २२ खेलाडीले प्रतिस्पर्धा गरेका थिए। प्रत्येक स्पर्धामा पहिलो हुनेले ३० हजार, दोश्रोले १५ हजार र तेश्रो हुने दुई खेलाडीले समान ८–८ हजार रुपैयाँ पुरस्कार पाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
