चिठ्ठा परेको भन्दै ठगी, सात पक्राउ

नेपाल लाइभ | २०७६ पौष २९ मंगलबार | Tuesday, January 14, 2020 १६:५३:०० मा प्रकाशित

धनगढी– कैलाली प्रहरीले चिठ्ठा परेको भन्दै १० लाख ४० हजार ठगी गर्ने ७ जनालाई पक्राउ गरेको छ। भारु २५ लाखको चिठ्ठा परेको भन्दै ठग्ने आईएमइका सञ्चालक र भारतीय नागरिकसहित ७ जनालाई पक्राउ गरिएको हो ।

पक्राउ पर्नेमा मोरङ सुन्दरहरैंचा १२ बस्ने आईएमई सञ्चालक ३८ वर्षीया ईन्दिरा पुरी, आईएमईमा कार्यरत ४२ वर्षीय मनमोहन अधिकारी, विराटनगर १० बस्ने सजिलो मनिट्रान्सफर सञ्चालक ३७ वर्षीय बिश्वनाथ राजवंशी, रंगेली नगरपालिका ६ बस्ने भवेशकुमार मण्डल, सुनबर्षी ८ का अब्दुल सलाम, भारत बिहार अररीयाका सतिस मण्डल र सोही ठाउ“का ५५ वर्षीय मोहमद ईसु रहेको जिल्ला प्रहरी कार्यालय कैलालीले जनाएको छ।

भारु २५ लाखको चिठ्ठा परेको र उक्त पैसा पाउन करबापत रकम तिर्नुपर्छ भनेर पटक–पटक गरी १० लाख चार हजार ठगेको उजुरीका आधारमा उनीहरुलाई पक्राउ गरिएको जिल्ला प्रहरी कार्यालय कैलालीका प्रहरी नायब उपरीक्षक दक्षकुमार बस्नेतले बताए।
थप एक लाख २० हजार रकम मोरङका विक्रम चौधरी र नारायण चौधरीको नाममा पठाईदिन भनेपछि कैलालीको घोडाघोडी नगरपालिका ६ बस्ने धनकला धामीले जिल्ला प्रहरी कार्यालय कैलालीमा उजुरी दिएकी थिईन ।

भारतीय नागरिक र आईएमई सञ्चालक समेतको संलग्नतामा ठगी भएको प्रहरी नायब उपरीक्षक बस्नेतले बताए। कैलाली जिल्ला अदालतबाट ७ दिन म्यादथप गरी अनुसन्धान भईरहेको उनले बताए। उनीहरुले अन्य व्यक्तिलाई समेत ठगी गरेको हुनसक्ने भएकाले पहिचान भएमा वा ठगी गरेको भए प्रहरीलाई सम्पर्क राख्नसमेत प्रहरीले अनुरोध गरेको छ।

भारुसहित तीन जना पक्राउ

कैलालीमा ६५ लाख भारतीय रुपैया“सहित तीन जनालाई पक्राउ गरिएको छ। चोरीमा संग्लन श्रीमान श्रीमतीसहित तीन जनालाई पक्राउ गरिएको हो। भारतको राजधानी दिल्लीका विशेश्वर अग्रवालको कार्यालयबाट नगद र गरगहना चोरी भएको जानकारी पाएपछि खटिएको कैलाली प्रहरीले जिल्लाको गौरीगंगा–२ की बिन्दा थापालाई सुरुवातमा पक्राउ गरिएकोमा पछि थप दुई जनालाई पक्राउ गरिएको जिल्ला प्रहरी कार्यालय कैलालीका प्रहरी नायब उपरीक्षक दक्षकुमार बस्नेतले बताए ।

उनले बाजुराको बुढीगंगा १ घर भएका २९ वर्षीय जयसिंह थापा र उनकी श्रीमती मनाकुमारी खड्कालाई पक्राउ गरिएको बताए। बिन्दा थापाको कच्ची घरमा रहेको कोठाभित्र खटियामुनी खाल्टो खनेर टिनको बाकसभित्र प्लाष्टिक र कपडामा बेरी लुकाईछिपाई गरी राखेको अवस्थामा भारु दुई हजार दरका दुई हजार आठ सय नोट, पा“च सय दरको सात हजार दुई सय र एक सय दरको एक हजार नोट गरी ६५ लाख नगद बरामद गरिएको जिल्ला प्रहरी कार्यालय कैलालीले जनाएको छ। चोरीपछि कैलाली आएका अग्रवालले एक करोड ४ लाखभन्दा बढी चोरी भएको बताउ“दै आएका छन्।