काठमाडौं- आँखा हाम्रो शरीरको सबैभन्दा संवेदनशील अङ्गमध्येको एक हो। हामीमध्ये धेरैलाई आँखाको समस्या हुने गर्छ। प्रायः मानिसलाई त्यसको उपचार गर्नका लागि दिइने औषधिको प्रयोग कसरी गर्ने भन्नेबारे अन्योल भइरहेको हुनसक्छ‚ कतिपयले गलत तरिकाबाट औषधिको प्रयोग गरिरहेका हुन सक्छन्।
निम्न तरिकाबाट आँखामा औषधि राख्नुपर्छ
- साबुन पानीले राम्ररी हात धुने।
- टाउकोलाई पछाडि ढल्काउने अथवा पल्टीने।
- एक हातको औलाले आँखाको तल्लो भागलाई हल्का तल तानेर औषधि थोपा हाल्नका लागि ठाउँ बनाउने।
- अर्को हातले औषधिको बोतल लिने र बोतलको टुप्पोलाई आँखा नजिक लाने (टुप्पोले आँखामा नछुवाउनु होस)
- बोतललाई बिस्तारै थिचेर औषधिको थोपालाई आँखाको तल्लो भाग तानेर बनाएको ठाउामा लगाउने।
- आँखालाई दुईतीन मिनेटसम्म बन्द राखेर भुईतिर निहुरिने (आँखालाई बिस्तारै बन्द गर्नुहोला)
- आँखाको भित्री कुनालाई बिस्तारै थिच्ने।
- आँखा बाहिर परेको औषधिलाई सफा कपडाले पुछ्ने।
- एक भन्दा बढी औषधि आँखामा लगाउनु परेमा पहिलो औषधि प्रयोग गरेको ५ मिनेटपछि मात्र दोस्रो औषधि प्रयोग गर्ने।
- प्रयोग पछि बोतलाई राम्ररी बन्द गर्ने (बोतलको टुप्पोलाई धुने वा छुने गर्नु हुँदैन)
- औषधि प्रयोग गरेपछि हात राम्ररी धुने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781621001.png)
-1781591850-1781592603.jpg)
-1764146706.png)
