काठमाडौं- पेटको वरिपरिको बोसोले धेरैलाई तनाव दिएको छ। घटाउने मन हुँदा हुँदै पनि परिस्थिति र समय नमिलेर धेरैलाई समस्या परिरहेको छ। यो बोसो घटाउनका लागि यस्तो चिजको जरुरत छ, जसले बढीभन्दा बढी क्यालोरी बर्न गरोस्। केही सजिला तरिकाहरु यसप्रकार छन्।
काँक्रो
बेलुकाको खाना खानुभन्दा पहिले काँक्रोको जुस वा सलाद खानुहोस्। यो पेटका लागि धेरै लाभदायी छ। यो सेवनका कारण धेरै खाना खानबाट जोगिन सकिन्छ नै, यसले पेटको झाडुको काम पनि गर्छ। जसले गर्दा बिस्तारै बोसो कम हुन्छ।
धनियाँको जुस
यसमा क्यालोरी निकै कम पाइन्छ भने एन्टिअक्सिडेन्टको मात्रा धेरै हुन्छ। यसको प्रयोगबाट अरु कुनै समस्या आउँदैन। यसले किड्नी ठिक राख्नसमेत सघाउँछ।
एलोभेरा जुस
एलोभेरा जुस धेरै बिरामीका लागि उपयोगी ठानिन्छ। दिनमा एक कप यसको जुस पिउँदा पेटको बोसो कम हुन्छ। यसले कोलेस्ट्रोलको समस्या पनि घटाउँछ।
ग्रिन टी
ग्रिन टीमा एन्टिएक्सिडेन्ट्स हुन्छ। पेटको बोसो घटाउन भने बिनाचिनीको ग्रिन टी पिउँदा फाइदा हुन्छ। यसले शरीरमा रहेका विषाक्त पदार्थ बाहिर निकाल्न पनि सघाउँछ। त्यसैगरी कागती मिसाएर खाँदा टक्सिनबाट पनि छुट्कारा मिल्छ।
अदुवाको रस
प्रतिदिन एक चम्चा अदुवाको रस पेटको बोसो कम गर्नका लागि धेरै सहयोगी हुन सक्छ।
खानपानमा सन्तुलनसँगै नियमित व्यायम फिट रहने सबैभन्दा उत्तम उपाय हुन्। त्यसकारण यी खानेकुरासहित नियमित व्यायाममा पनि ध्यान दिनुहाेला।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
