काठमाडौं- १३औँ दक्षिण एसियाली खेलकुद (साग) प्रतियोगिता अन्तर्गत मंगलबार फुटबलको फाइनल खेल हुँदैछ। नेपाल र भुटानबीच हुने खेलका लागि दर्शकहरु दशरथ रंगशाला पुग्न थालेका छन्।
दिउँसो ३ बजे खेल सुरु हुने भए पनि दर्शकहरु घण्टौं अघिदेखि नै रंगशाला पुगेका हुन्।
प्रहरीले खेल हेर्ने पास भएका दर्शक सँगसँगै आफ्ना मान्छे पनि प्रवेश गराएपछि विवाद भएको छ। विवादको फोटो खिच्ने पत्रकार पनि कुटिएका छन्। उनी प्रहरीद्वारा कुटिएका हुन्।
नागरिक दैनिकमा कार्यरत पत्रकार सुमन चापागाईंलाई प्रहरीले मंगलबार बिहान दशरथ रंगशाला परिसरमा कुटपिट गरी घाइते बनाएको हो।
प्रहरीको कुटपिटबाट भएका घाइते उनको त्रिपुरेश्वरस्थित ब्लुक्रस अस्पतालमा उपचार भइरहेको छ। प्रहरीको कुटाइबाट उनको कानमा चोट लागेको छ।
ई–सेवामार्फत टिकट बिक्री खुला गरिएको २ घण्टामै ९ हजार टिकट बिक्री भएको थियो। टिकट नपाएका समर्थकहरुले दशरथ रंगशालाको गेट बाहिर नारावाजी पनि गरेका छन्। उनीहरुलाई पनि प्रहरीले कुटपिट गरेको थियो।
रंगशालामा खेल हेर्न आउनेहरु सिट संख्याभन्दा बढी रहेको विषयमा नेपाल लाइभले नै यसअघि समाचार लेखेको थियो।
रंगशालाको सिट संख्या १४ हजार ५ सय छ। त्यसभन्दा बढी दर्शक रंगशालामा छिर्ने गरेका छन्। यसअघिका कतिपय खेलहरु दर्शकले सिँढी र भर्याङमा समेत बसेर हेरिरहेका छन्।
नेपाल र माल्दिभ्सबीचको खेल हेरिरहेका बानेश्वर बस्ने धादिङका एक युवकले नेपाल लाइभसँगको कुराकानीमा आफूसँग टिकट र पास दुवै नभएको बताएका थिए। तर भनेका थिए- ‘गेटमा हाम्रो मान्छे छ किन चाहियो टिकट?’
यो पनि पढ्नुहोस्ः
टिकट बिक्रीभन्दा धेरै दर्शक, कसरी भरिएको छ रंगशाला?
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
