पोखरा- साग भारोत्तोलनमा एकमात्र स्वर्ण पदक विजेता नेपालका कमलबहादुर अधिकारी जारी १३औं संस्करणको भारोत्तोलन प्रतियोगितामा कास्यमा सीमित भएका छन्।
पोखरामा शुक्रबार भएको पुरुष ६७ केजी तौल समूहअन्तर्गत कमलले कुल २ सय ५२ केजी तौलमात्र उठाउन सके। उनले स्न्याचमा १ सय १२ र क्लीन एण्ड जर्कतर्फ १ सय ४० तौल गरी कुल २ सय ५२ तौल भार बहन गरेका हुन्। पाकिस्तानी र श्रीलंकन खेलाडीको स्न्याचमै बढी लिफ्ट आएपछि कमल क्लीन एण्ड जर्कमा दबाबमा परेका थिए।
प्रतियोगितामा पाकिस्तानका ताल्हा तालिवले स्न्याचमा १ सय ४० र क्लीन एण्ड जर्कमा १ सय ५२ गरी कुल २ सय ९२ तौल उठाउँदै स्वर्ण जिते। यस्तै श्रीलंकाका जेएसी लाक्मलले स्न्याचमा १ सय १९ र क्लीन एण्ड जर्कमा १ सय ४४ गरी कुल २ सय ६३ तौल उठाउँदै रजत जितेका छन्।
प्रतियोगितामा पहिलो सहभागिता जनाएको भुटानका तर्फबाट वीरबहादुर लिम्बु चौथो भए।
शुक्रबार नै पुरुष ७३ केजी तौल समूहमा नेपालले अर्को कास्य जित्न सफल भएको छ। नेपालका प्रकाश केसीले कास्य जित्न सफल भएका हुन्।
प्रतियोगितामा भारतका अचिन्ता सेउलीले स्वर्ण र पाकिस्तानका अबु सुफयानले रजत पदक जितेका छन्। भारतीय खेलाडीले स्न्याचमा १ सय ३५ र क्लीन एण्ड जर्कमा १ सय ६५ गरी कुल ३ सय केजी तौल उठाउँदै स्वर्ण जितेका हुन्।
यस्तै पाकिस्तानी खेलाडीले स्न्याचमा १ सय २८ र क्लीन एण्ड जर्कमा १ सय ५१ गरी कुल २ सय ७९ तौल उठाउँदै रजत र नेपालका प्रकाश केसीले स्न्याचतर्फ १ सय १५ र क्लीन एण्ड जर्क विधामा १ सय ५० गरी कुल २ सय ६५ तौल उठाएका हुन्।
यसअघि उद्घाटनको दिन नेपालले १ स्वर्ण र २ कास्य पदक भित्र्याइसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775455666-1775459306.jpeg)
-1764146706.png)
