काठमाडौं- साग पुरुष फुटबलको दोस्रो खेलमा अन्तिम समयमा गोल खाँदै नेपाल श्रीलंकासँग १–१ को बराबरीमा रोकियो। ३३ औँ मिनेटमा सुजल श्रेष्ठले पेनाल्टीमार्फत गोल गर्दै बनाएको अग्रता नेपालले अन्तिम समयमा जोगाउन सकेन र गोल खान पुग्यो।
श्रीलंकाका कप्तान मोहमेद फजलले फ्रिकिक बल नजिकै रहेका जुडे सुपानलाई पास दिए र सुपानले कर्नर च्यापेर बलालाई पोस्टको दिशा दिए।
दशरथ रंगशालामा नेपालका लागि आइरहेको ठूलो हुटिङ एकाएक रोकियो। हारको नजिक पुगेका श्रीलंकाका खेलाडीहरुको खुसी हेर्नलायक थियो भने नेपालको निराशा।
यसैले खेलपछि श्रीलंकाका प्रशिक्षक एन एम पाकेरलीले नेपालसँग नेपालकै मैदानमा खेल्न कठीन भए पनि आफूहरुले अन्तिम समयमा गोल गर्दै बराबरी गर्न सक्नु ठूलो कुरा भएको बताए।
माल्दिभ्ससँग बराबरी खेल्दै एक अंक जोडेको श्रीलंकाले नेपालसँग पनि एक अंक जोड्न सक्दा उपाधि दौड बलियो बनायो।
‘नेपालको मैदानमा हामीलाई गाह्रो थियो। अन्तिम समयको गोलले राम्रो भयो। त्यसमा पनि एक डिफेन्डरको गोलले हामी बराबरीमा पुग्न सकेका हौँ। खेल त जित्नु नै पर्ने हो तर बराबरी पनि हारभन्दा राम्रो हो’ श्रीलंकाका प्रशिक्षक पाकेरलीले भने।
नेपाली टिमका प्रशिक्षक बालगोपाल महर्जनले तीन अंक बटुल्ने लक्ष्यका साथ आफूहरु मैदान आएको भए पनि त्यो पूरा हुन नपाएको बताए। ‘दुवै हाफमा हाम्रो केही ओपन ओपन चान्स मिस भयो। जुन लक्ष्यले आएका थियौँ त्यो पूरा भएन अब आउने खेलमा राम्रो गर्नेछौँ’ प्रशिक्षक बालगोपालले भने।
पहिलो हाफमा राम्रो खेल भएको भए पनि दोस्रो हाफमा राम्रो हुन नसकेको भन्दै उनी भन्छन्– ‘हिजो मात्रै भुटानसँग खेलेका थियौँ, आज नै खेल परेकाले खेलाडीले आरामको समय नै पाएनन्। अब दुई दिन आरामको समय रहेकाले हामी राम्रो गर्ने छौं।’
नेपाल र श्रीलंकाको खेलमा दर्शकको उत्साह र हुटिङसँगै याद हुने अर्को कुरा हो खेलाडीहरुको खराब ट्याकल। नेपाल र श्रीलंका दुवै टिमका खेलाडीले खेलमा नराम्रा फोउलहरु गरे। त्यसमा दर्शकले ‘बुउउउ’को शैलीमा विपक्षी खेलाडीको मनोबल घटाउने गरी गरेको हुटिङले त खेल अझ जोशिलो भएको थियो।
‘रग्बीको शैलीमा खेलिएको फुटबल’ किन त भनि प्रशिक्षकलाई गरेको प्रश्नमा नेपालका प्रशिक्षक बालगोपाल भन्छन्– ‘फुटबलमा अलि अलि फिजिकल त हुन्छ नै। त्यही पनि फिजिकल गेमको सुरुवात श्रीलंकाले नै गरेको हो। विपक्षीले फोउल खेलिरहँदा हाम्रा खेलाडी सम्हालिएर मात्र त अवश्य खेल्दैनन्।’
श्रीलंका प्रशिक्षक पाकेरली यस्तो खाले खेलमा बेलाबेला खेलाडी अलि जोसिने स्वभाविक भएको बताउँछन्। ‘क्रिया प्रतिक्रिया त फुटबलमा हुन्छ नै। आजको खेलको अवस्थाहरु नै त्यस्तै थियो। दुवै टिमले त्यसरी नै खेले’ उनले भने।
(1).jpg)
१३ औं सागको पुरुष फुटबलमा नेपाल, श्रीलंका, भुटान, माल्दिभ्स र बंगलादेश सहभागी छन्। जसमा सबैले एकअर्कासँग एक–एक खेल खेलेपछि शीर्षमा रहने दुई टिमले फाइनल खेल्नेछन्।
पहिलो खेलमा भुटानलाई ४–० ले हराएको नेपालले दोस्रो खेलमा श्रीलंकासँग १–१ गोलको बराबरी खेल्दै ४ अंक बनाएको छ। भुटानको २ खेलमा ३ अंक छ। माल्दिभ्स र श्रीलंकाको समान २–२ अंक छ। बंगलादेशको भने १ अंक छ।
नेपालले अब शनिबार माल्दिभ्ससँग खेल्नेछ। त्यसको भोलिपल्ट नै बंगलादेशसँग खेल्नेछ।
(1).jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752504514.jpg)
-1752390485.png)
-1749826086.png)
