काठमाडौं – म्यानचेस्टर युनाइटेडले स्ट्राइकर रोमलु लुकाकुलाई बिना जानकारी अभ्यासमा उपस्थित नभएको भन्दै जरिवाना लगाउने भएको छ । घाइते भएका कारण युनाइटेडको प्रि सिजन खेलमा नरहेका लुकाकु पुरानो क्लब एन्डरलेच्टमा अभ्यास गरिरहका छन् ।
बेल्जियन राष्ट्रिय टिमका २६ वर्षका लुकाकुले सोमबार र मंगलबार बेल्जियन क्लब एन्डरलेच्टमा नै अभ्यास गरेका हुन् । सोमबार युनाइटेडमा अभ्यास नभए पनि मंगलबार भने युनाइटेडमा नै अभ्यास रहेको थियो । यसैले उनलाई क्लबले जरिवाना लगाउने भएको हो । जरिवाना के कति हुने भन्ने खुलाइएको छैन ।
लुकाकु २०११ मा चेल्सी आउनुअघि दुई वर्ष एन्डरलेच्टमा नै थिए । अहिले सिरी ए क्लब इन्टर मिलान र युभेन्टसले लुकाकु भित्र्याउने इच्छा देखाइरहेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
