काठमाडौं- शनिबारका प्रमुख घटनाक्रमसहितको नेपाल लाइभ समाचारका मुख्य समाचार शीर्षकहरू
१) काठमाडौं उपत्यकामा थप ६ जनामा कोरोना भाइरस संक्रमणको पुष्टि, उपत्यकामा मात्रै ५८३ पुगे संक्रमित, शनिबार थपिएका ३१५ सहित नेपालमा संक्रमितको संख्या २० हजार नाघ्यो ।
२) ’इनफ इज इनफ’ अभियानलाई कांग्रेसको समर्थन, तुरुन्तै अभियानकर्मीका माग पूरा गरी अनशनरतलाई बचाउन सरकारसँग सभापति देउवाको आग्रह, बाटो हिँड्नै नदिई गरिएको धरपकडप्रति आपत्ति ।
३) ब्युँतियो ओरियन्टल सहकारी : निक्षेप फिर्ताका लागि निवेदन दिन सुधीर बस्नेतले जारी गरे ६० दिने सूचना, थप ठगी हुन नदिन नियामक चनाखो हुनुपर्ने व्यवस्थापन समितिको भनाइ ।
४) टिकटकमा प्रतिबन्ध लगाउन सकिने अमेरिकी राष्ट्रपति डोनाल्ड ट्रम्पको चेतावनी, टिकटकका कैयाँैँ विकल्प हुन सक्ने भन्दै त्यसबारेमा खोजी भइरहेको जानकारी ।
५) र, लियोनलाई पेनाल्टी सुटआउटमा हराउँदै पेरिस सेन्ट जर्मेनले उचाल्यो फ्रेन्च लिग कपको उपाधि, पीएसजीलाई उपाधि दिलाउन पाब्लो सरबियाको गोल महत्वपूर्ण ।
-1786602170.png)
