चिनियाँ नेटवर्कलाई लक्षित गरी हुने साइबर आक्रमण अमेरिकाको सहयोगमा : चीन

सूचना-प्रविधि

नेपाल लाइभ मंगलबार, जेठ २८, २०७६ ०६:४४

चिनिया सेनाको साइबर क्राइम विभाग।

बेइजिङ- चिनियाँ नेटवर्कलाई लक्षित गरी हुने प्राय साइबर आक्रमण संयुक्त राज्य अमेरिकाका कारण हुने गरेको चीनको नेसनल कम्प्युटर नेटवर्क इमर्जेन्सी रेस्पोन्स टेक्निकल टिम (सिएनसिइआरटी)ले सोमबार सार्वजनिक एक वार्षिक प्रतिवेदनमा भनिएको छ।

‘ट्रोजन तथा वोटनेट’ गतिविधिका आधारमा सन् २०१८ मा चीनको मूख्य भू–भागमा रहेका ३३ लाख ४० हजार कम्प्युटरमा करिब १४ हजार ट्रोजन वा बोटनेटका कमाण्ड तथा कन्ट्रोल सर्भर (सी एन्ड सी सर्भर) अमेरिकाबाट सञ्चालित रहेको पाइएको सिएनसिइआरटीले प्रतिवेदनमा उल्लेख गरेको छ। यो सङ्ख्या सन् २०१७ को तुलनामा ९०.८ प्रतिशतले बढी हो।

त्यसैगरी ३३ हजार २५ इन्टर्नेट प्रोटोकल (आइपी) एड्रेसहरू अमेरिकाबाट सञ्चालित रहेको र यो सन् २०१७ को तुलनामा ४३ प्रतिशतले बढी हो। अमेरिकाले ३ हजार ६ सय ७ चिनियाँ वेबसाइटमा अनावश्यक तथा अपकारी (ट्रोजन) गतिविधिमार्फत समस्या उत्पन्न गराइने गरेको भेटिएको सिएनसिइआरटीले जनाएको छ।

माथिका दुई श्रेणीमा आधारित रहेर हेर्दा चिनियाँ भू–भागमा कम्प्युटर तथा वेबसाइटमार्फत तथ्याङ्क चोरी हुने वा साइबर आक्रमण हुने समस्या सबैभन्दा बढी अमेरिकाबाट रहेको प्रतिवेदनमा उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बनेका सबै सरकार बलिया नै हुन्छन् : महामन्त्री थापा

तीन वटा वैकल्पिक बाटो प्रयोग गरेर खुलाइँदैछ पूर्व–पश्चिम राजमार्ग

नवलपुरको विनयी खोला पुल भासियो, पूर्व-पश्चिम राजमार्ग बन्द