स्पष्ट बहुमत हात पारेपछि प्रधानमन्त्री मोदी र भाजपा अध्यक्ष अमित शाह केन्द्रीय पार्टी कार्यालयमा।
काठमाडौं- भारतमा सम्पन्न १७औं लोकसभा निर्वाचनमा २५ मुस्लिम सांसद चुनिएर गएका छन्। यो कूल सिट संख्याको ५ प्रतिशत भन्दा पनि कम हो। जबकी भारतमा कूल जनसंख्याको १४ प्रतिशतले मुस्लिम समुदायको प्रतिनिधित्व गर्छन्।
सन् २०१४ को चुनावमा लोसकभा चुनावमा २३ मुस्लिम सांसद चुनिएका थिए। अघिल्लो चुनावको तुलनामा यसपटक २ जना बढी मुस्लिम सांसद निर्वाचित भएका हुन्।
५ सय ४३ सिटका लागि भएको लोकसभा निर्वाचनमा भारतीय जनता पार्टी(भाजपा)ले स्पष्ट बहुमत प्राप्त गर्यो। तर, भाजपाका तर्फबाट एक जना पनि मुस्लिम सांसद संसदमा पुग्न सकेनन्।
लोकसभा चुनावमा भाजपाले अहिलेसम्म ३ सय २ क्षेत्रमा जित हासिल गरेको छ भने बाँकी रहेको १ क्षेत्रमा पनि अग्रता लिइरहेको छ।
भाजपाले २८ प्रतिशत मुस्लिम बसोबास रहेको पश्चिम बंगालमा २, ९५ प्रतिशत मुस्लिम बाहुल्य रहेको लक्ष्यद्वीपमा १ र मुस्लिम बाहुल्य काश्मीर क्षेत्रमा ३ मुस्लिमलाई टिकट दिएको थियो। तर, उसका सबै ६ मुस्लिम प्रत्याशीले चुनाव हार्न पुगे।
सबैभन्दा धेरै ६ मुस्लिम सांसद उत्तर प्रदेशबाट जितेर लोकसभामा पुगेका छन्। यी सबै ६ मुस्लिमले सांसद समाजवादी पार्टी र बहुजन समाजवादी पार्टीबीचको महागठबन्धनबाट जित हात पारेका हुन्।
दोस्रो नम्बरमा पश्चिम बंगाल रहेको छ, जहाँ ५ मुस्लिम सांसद टिएमसी र १ सांसद कांग्रेसको उम्मेदवारको रुपमा विजयी भएका छन्।
असदुद्धिन ओवैसीको पार्टी एआइएमआइएणबाट यसपटक ओवैसीसहित अर्का एक मुस्लिम सांसद लोकसभामा पुग्न सफल भएका छन्।
वाम मोर्चाका तर्फबाट केरलाको अलप्पुझाबाट १ मुस्लिम सांसद निर्वाचित भएका छन्। केरलबाटै इन्डियन यूनियन मुस्लिम लिगका इटी मोहम्मद बशिर र पिके कन्हलिकुट्टी निर्वाचित भएका छन्।
त्यस्तै, आइयुएमएलका के के नवस्कानीले तमिललनाडुको रामनाथपुरम क्षेत्रबाट चुनाव जितेका छन्।
कश्मीरका ३ क्षेत्रबाट नेसनल कन्फ्रेन्स पार्टीका फारुख अब्दुल्ला, मोहम्मद अकबर लोन र हनानी मसूदीले जीतको झन्डा गाडेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1764146706.png)
-1786513116.png)
