जनकपुर– सिराहाको मिर्चैयामा एक किशारीमाथि सेनाका जवानले बलात्कारको प्रयास गरेका छन्। घटनालाई लिएर आक्राेसित बनेका स्थानीयले शनिबार सडक अवरुद्ध गर्दै प्रदर्शन गरेका छन्।
इलाका प्रहरी कार्यालयमा साँझ आन्दोलनरत पक्ष र प्रहरीबीच ५ बुँदे सहमतिपछि मात्र राजमार्ग सञ्चालनमा आएको छ।
प्रहरीले दोषीलाई बचाउ गर्दै निर्दोष पक्राउ गरेको भन्दै स्थानीयले पूर्वपश्चिम राजमार्ग अन्तर्गत मिर्चैयाको कटारी चोकमा विरोध प्रदर्शन गरेका थिए।
राजमार्ग ठप्प हुँदा पूर्व र पश्चिम जाने यात्रुहरू विच्चलीमा परेका थिए।
यस्तो थियो घटना
मिर्चैया नगरपालिका–७ पानी ट्यांकी नजिकै श्रीनाथ गण चोहर्वाका सेनाहरूले एक किशोरीलाई बलात्कारको प्रयास गरेका थिए।
घर नजिकै खेतमा शौच गर्न गएको बेला शुक्रबार राति करिब ११ बजे किशोरीलाई सेनाका ३ जवानले बलात्कारको प्रयास गर्दा किशोरीले गुहार लगाएकी थिइन्।
आवाज सुनेर स्थानीयहरूले किशोरीको उद्धार गरी सेनालाई लखेट्दा ३ जना मध्ये २ जना भाग्न सफल भएका थिए भने एक जनालाई स्थानीयले नियन्त्रणमा लिएका थिए।
नियन्त्रणमा आएसँगै जवान शाहीलाई स्थानीयले कुटपिट गरेका थिए।
घटना लगत्तै पुगेका प्रहरी टोलीले जवान शाहीसँगै कुटपिट गर्ने स्थानीय ३ युवालाई पक्राउ गरेका थिए।
सेनालाई कुटपिट गरेको आरोपमा स्थानीय दिपेश यादव, मुकेश यादव र चन्दर पासमानलाई प्रहरीले पक्राउ गरेका थिए।
दोषीलाई समातेर प्रहरीको जिम्मा लगाए पनि अनाहकमा स्थानीय तीन युवालाई प्रहरीले पक्राउ गरी कुटपिट गरेको भन्दै स्थानीयले पूर्वपश्चिम राजमार्ग अन्तर्गत मिर्चैयाको कटारी चोकमा ४ घण्टा टायर बालेर चक्काजाम गर्नुका साथै चर्को नाराबाजी गरेका थिए।
सहमतिपछि रिहा भएका तिनै जना युवाहरूले आफूहरूलाई प्रहरीले अनावश्यक रुपमा मानसिक तथा शारिरीक यातना दिएको बताएका छन्।
कुटपिटबाट जवान शाही भने गम्भीर घाइते भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821303.jpg)
-1786602170.png)
-1786513116.png)
