काठमाडौं। जर्गेन क्लोपले जर्मनीको प्रशिक्षकका रूपमा तेस्रो खेलमा पहिलो जित हात पारेका छन्। यूईएफए नेसन्स लिगअन्तर्गत बिहीबार जर्मनीले सर्बियालाई २–० ले पराजित गरेको हो।
फ्लोरियन विर्ट्जले उत्कृष्ट प्रदर्शन गरेको खेलमा जर्मनीले सर्बियाविरुद्ध अनुशासित र आक्रामक खेल प्रस्तुत गर्यो। यससँगै क्लोप आफ्नो पहिलो तीन खेलमध्ये कुनैमा पनि जित हात पार्न नसक्ने जर्मनीका पहिलो प्रशिक्षक बन्ने सम्भावनाबाट जोगिएका छन्।
५९ वर्षीय क्लोपले नेदरल्यान्ड्ससँग १–१ को बराबरी खेलेपछि आइतबार ग्रीससँग अप्रत्याशित रूपमा १–० ले पराजित भएका थिए।
३९औं मिनेटमा विर्ट्जको प्रहार पोस्टमा लागेर फर्किएपछि त्यसैको रिबाउन्डमा टोम बिशोफले गोल गर्दै जर्मनीलाई अग्रता दिलाए।
७४औं मिनेटतिर विर्ट्जले जर्मनीको अग्रता दोब्बर बनाए। म्याक्सिमिलियन मिटेलस्टेटको क्रसलाई पहिलो टचमै डिफेन्डरबाट पार गराउँदै उनले अर्को टचमा बललाई दायाँ पोस्टभित्र पठाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
