काठमाडौं– लोककल्याणकारी विज्ञापनको रकम घटाइएको विषयलाई लिएर आन्दोलनरत नेपाल पत्रकार महासंघ र नेपाल प्रेस काउन्सिलबीच मंगलबार विवाद भएको छ।
महासंघको टोली र काउन्सिल पदाधिकारीबीच भएको छलफलका क्रममा भनाभन भएपछि वातावरण तनावपूर्ण बनेको हो। काउन्सिलका चार सदस्यले विज्ञप्ति जारी गर्दै अध्यक्ष उमेश श्रेष्ठमाथि धम्कीपूर्ण अभिव्यक्ति दिइएको र पदाधिकारी तथा कर्मचारीमाथि अपमानजनक व्यवहार भएको आरोप लगाएका छन्।
विज्ञप्तिमा पत्रकार दीपक पाण्डेले अध्यक्ष श्रेष्ठलाई ‘झ्यालबाट टिपेर फालिदिन्छु’ भनेको उल्लेख छ। अध्यक्ष श्रेष्ठले पनि महासंघको दबाबबाट समस्या समाधान नहुने भन्दै सम्बन्धित मन्त्रालयमा जान सुझाएको काउन्सिलको भनाइ छ।
महासंघ अध्यक्ष निर्मला शर्माले छलफलका क्रममा अभद्र व्यवहार भएको स्वीकार गर्दै त्यसप्रति क्षमा मागेकी छन्। तर, उनले लोककल्याणकारी विज्ञापनको रकम घटाउने निर्णय काउन्सिलबाटै भएको भनेर मन्त्रालयले देखाएपछि महासंघ दबाब दिन काउन्सिल पुगेको बताइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790691190.jpg)
-1786602170.png)
