काठमाडौं– बार्सिलोनाले स्पेनी ला लिगामा आफ्नो शतप्रतिशत सुरुआतलाई निरन्तरता दिँदै आइतबार भ्यालेन्सियालाई ५–० ले पराजित गरेको छ।
लगातार चौथो जितसँगै बार्सिलोना चार खेलबाट शतप्रतिशत नतिजा निकाल्ने ला लिगाको एकमात्र टोली बनेको छ।
बार्सिलोनाका लागि लामिन यमलले दुवै हाफमा एक–एक गोल गरे। यसअघि अघिल्लो खेलमा रायो भायेकानोलाई हराउँदा पनि उनले दुई गोल गरेका थिए।
फर्मिन लोपेज, राफिन्हा र पेद्रीले पनि बार्सिलोनाका लागि गोल गरे।
म्यानचेस्टर सिटीबाट बार्सिलोनामा आबद्ध भएका मिडफिल्डर रोड्रीले पनि पहिलोपटक सुरुआती ११ मा रहेर खेले। नयाँ अनुबन्धित फरवार्ड गाब्रियल जेसुस भने दोस्रो हाफमा वैकल्पिक खेलाडीका रूपमा मैदान प्रवेश गर्दै बार्सिलोनाका लागि डेब्यु गरे।
रोड्रीसँगको ठक्करमा अनुहारमा चोट लागेपछि डिफेन्डर एरिक गार्सियालाई पहिलो हाफमै मैदानबाट बाहिर निकाल्नुपरेको थियो।
भ्यालेन्सियाको भने यो लगातार तेस्रो हार हो। टोलीले चार खेलमा एक गोल गरेको छ। बार्सिलोनासँगको हारपछि आक्रोशित समर्थकहरूले क्लबका मालिक र खेलाडीविरुद्ध विरोध प्रदर्शन गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788743318.webp)
-1786602170.png)
-1786513116.png)
-1788425345.png)
