काठमाडौं– बार्सिलोनाले सोमबार क्याम्प नोउमा रायो भायेकानोलाई ५–२ गोलले पराजित गर्दै सिजनको शतप्रतिशत सुरुआत कायम राखेको छ।
बार्सिलोनाको जितमा राफिन्हा र लामिन यमलले दुई–दुई गोल गरे। जितसँगै बार्सिलोना गोल अन्तरका आधारमा ला लिगाको शीर्ष स्थानमा पुगेको छ।
बार्सिलोना तीन खेलबाट ९ अंकसहित गोल अन्तरका आधारमा रियल मड्रिडभन्दा अगाडि रहँदै तालिकाको शीर्ष स्थानमा पुगेको। रियलको पनि ९ अंक छ। रायो भायेकानो भने तीन खेलबाट एक अंकसहित १८औं स्थानमा छ। उसले अहिलेसम्म कुनै खेल जितेको छैन।
खेलको १२औं मिनेटमा सर्जियो कामेलोको गोलमार्फत रायोले अग्रता लिएको थियो। तर‚ १९औं मिनेटमा राफिन्हाले बार्सिलोनालाई खेलमा फर्काए। त्यसको दुई मिनेटपछि यमलले बार्सिलोनालाई अग्रता दिलाए। १९ वर्षीय यमलको उक्त गोल बार्सिलोनाका लागि ५०औं गोल थियो।
दोस्रो हाफ सुरु भएको केही समयमै बार्सिलोनाले अग्रता बढायो। ५१औं मिनेटमा एन्थोनी गोर्डनले पेनाल्टी क्षेत्रभित्र पठाएको क्रस रायोका डिफेन्डर फ्लोरियन लेज्युनको खुट्टामा लागेर आफ्नै पोस्टमा छिरेको थियो।
५९औं मिनेटमा उनाइ लोपेजको कर्नरमा कामेलोले हेडमार्फत गोल गर्दै रायोलाई पुनः खेलमा फर्काउने प्रयास गरे। तर‚ बार्सिलोनाले त्यसपछि पनि दबाब कायम राख्यो।
खेल सकिन २० मिनेट बाँकी हुँदा राफिन्हाले गोल गरे। ९०औं मिनेटमा यमलले गोल गर्दै बार्सिलोनालाई सानदार जित दिलाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
