काठमाडौं– न्युजिल्यान्डका अलराउन्डर जिमी नीशम नेपाल प्रिमियर लिग (एनपीएल) को आगामी सिजनका लागि जनकपुर बोल्ट्समा फर्किएका छन्।
जनकपुर बोल्ट्सले मंगलबार सामाजिक सञ्जालमार्फत ३५ वर्षीय नीशमलाई टोलीमा पुनः अनुबन्ध गरेको जानकारी दिएको हो।
नीशमले एनपीएलको पहिलो संस्करणमा जनकपुरलाई च्याम्पियन बनाउन महत्वपूर्ण योगदान दिएका थिए। उनले पहिलो संस्करणमा ९ खेल खेल्दै २४७ रन बनाउनुका साथै बलिङतर्फ ७ विकेट लिएका थिए।
एनपीएलको दोस्रो संस्करणमा भने नीशम पोखरा एभेन्जर्सबाट खेलेका थिए। उनले चार खेलमा एक अर्धशतकसहित ९९ रन बनाएका थिए भने बलिङमा पाँच विकेट लिएका थिए।
पहिलो संस्करणमा उत्कृष्ट प्रदर्शन गर्दै जनकपुरलाई उपाधि दिलाएका नीशमको पुनरागमनले आगामी सिजनमा टोलीको ब्याटिङ र बलिङ दुवै पक्ष थप बलियो हुने अपेक्षा गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
