काठमाडौं– जस्मिन पेन्ट्स लिमिटेडले नेपालीहरूको चाडपर्वलाई लक्षित गर्दै उपभोक्ता प्रवर्द्धन योजना सार्वजनिक गरेको छ। ‘चाडपर्वको उमङ्ग, लण्डन घुमौँ जस्मिन पेन्ट्ससँग!’ अभियानअन्तर्गत उपभोक्ताले विभिन्न आकर्षक उपहारसँगै लक्की ड्रमार्फत लण्डन भ्रमण जित्ने अवसर पाउनेछन्।
कम्पनीका अनुसार योजना भदौ १ गतेदेखि कात्तिक ३० गतेसम्म सञ्चालन हुनेछ। योजनामा सहभागी हुन जस्मिन पेन्ट्सका आधिकारिक डिलर वा विक्रेताबाट न्यूनतम ७५ हजार रुपैयाँ बराबरका उत्पादन खरिद गर्नुपर्नेछ। प्रत्येक ७५ हजार रुपैयाँको खरिदमा एउटा लक्की ड्र कुपन उपलब्ध गराइनेछ।
लक्की ड्रमार्फत एक जना विजेताले ४ रात/५ दिनको लण्डन भ्रमण जित्नेछन्। त्यस्तै, ५ जनाले ८ केजीको फ्रन्ट लोडिङ स्वचालित वासिङ मेसिन, ३५ जनाले ३ लिटरको इलेक्ट्रिक प्रेसर कुकर, १२५ जनाले ३ जार मिक्सर ग्राइन्डर, १७५ जनाले हट वाटर केटल र ७५० जनाले वाल क्लक जित्ने कम्पनीले जनाएको छ।
योजनामा सहभागी हुन उपभोक्ताले खरिद गरेको पसलबाट कुपन लिएर त्यसमा रहेको क्यूआर कोड स्क्यान गरी आवश्यक विवरण भर्नुपर्नेछ। लक्की ड्रबाट विजेता घोषित भएपछि सक्कल कुपन र आधिकारिक परिचयपत्रसहित कम्पनीका प्रतिनिधिसँग सम्पर्क गरी पुरस्कार दाबी गर्नुपर्नेछ। विजेताले घोषणा भएको मितिले १५ दिनभित्र पुरस्कार दाबी गरिसक्नुपर्ने व्यवस्था गरिएको छ।
कम्पनीका अनुसार लक्की ड्रमार्फत विजेताको घोषणा प्रत्यक्ष प्रसारणबाट गरिनेछ। पुरस्कारमा नेपाल सरकारको प्रचलित नियमअनुसार कर कट्टी गरिनेछ।
जस्मिन पेन्ट्सले यस अभियानमार्फत उपभोक्तासँगको सम्बन्ध थप सुदृढ गर्दै चाडपर्वको खुसीलाई अझ विशेष बनाउने लक्ष्य लिएको जनाएको छ। ‘नेपाली मनको रङ्ग’ भन्ने भावनासहित कम्पनीले घरमा नयाँ रङ भर्ने उपभोक्तालाई खरिदसँगै आकर्षक पुरस्कार जित्ने अवसर प्रदान गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
