काठमाडौं– अस्ट्रेलियामा टम एन्ड टी–२० सिरिज खेलिरहेको नेपाली क्रिकेट टोलीको ‘ए’ टिमले लगातार खराब प्रदर्शनको लय दोस्रो खेलमा पनि कायम राखेको छ ।
शुक्रबार एनटी स्ट्राइकविरुद्ध खराब प्रदर्शनकै कारण ८ विकेटको लज्जास्पद हार व्यहोरेको टोलीले आज बंगलादेशविरुद्ध पनि लज्जास्पद इनिङ्स खेलको छ ।
पहिले ब्याटिङ गरेको नेपालका लागि कुशल भुर्तेलले ४६ रन बनाउनुबाहेक अन्य कुनै पनि ब्याटरले सम्झन लायक प्रदर्शन गर्न सकेनन् । नेपाली टोलीले निर्धारित २० ओभरमा ९ विकेट गुमाउँदै मात्र ९९ रन बनाएको छ ।
‘ए’ टिम नाम दिइए पनि नेपाली टोलीमा सबै राष्ट्रिय खेलाडी नै छन् । राष्ट्रिय टोलीका कुशल भुर्तेल, अलराउन्डर कुशल मल्ल, अनिल शाह, लोकेश बम लगायतका विस्फोटक ब्याटिङ गर्ने क्षमता भएका खेलाडीले भरिपूर्ण भए पनि टिममा कसैले पनि थामिएर ब्याटिङ गर्न सकेनन् । रिजन ढकालले १०, विपीन खत्रीले १० रन बनाए । साहब आलमले ११ रन बनाए । जस कारण आजको खेलमा नेपाल ९९ रनमै समेटिएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789792206.jpg)
-1786602170.png)
