काठमाडौं– जग्गा किनबेचका क्रममा अनियमितता गरी ठगी गरेको आरोपमा प्रहरीको केन्द्रीय अनुसन्धान ब्यूरो (सीआईबी)ले नेपाल रेडक्रस सोसाइटीका पूर्व अध्यक्ष सञ्जिव थापासहितका पूर्वपदाधिकारीहरूलाई पक्राउ गरेको छ ।
महिला, बालबालिका, लैङ्गिक तथा यौनिक अल्पसंख्यक र सामाजिक सुरक्षा मन्त्रालयबाट प्राप्त भएको रेडक्रश सोसाइटी उपर भएको अनियमिता छानबिन प्रतिवेदनहरुको अध्ययन गर्दा ०७३ साल भदौ २२ गते प्रकाशित सूचना बमोजिम रेडक्रसको गोदाम घर सञ्चालनका लागि बिचौलियामार्फत भुक्तानि गरेको पाइएको सीआईबीले जनाएको छ ।
भक्तपुर महानगरपालिका – ४ को ४ (क) मा कित्ता नं ८६३,४९६,४९७२५८१ क्षेत्रफल ५-१३-३-० खरीद गर्दा बोलपत्रमा उल्लेख भएको सर्त विपरीत मध्यस्थकर्ता (बिचौलिया) मार्फत खरीद गरी ६ करोड ३२ लाख ८१ हजार २५० भुक्तान गरेकोमध्ये १ करोड ९३ लाख ७५० रुपैयाँ बिचौलियाले खाएको तथा खरिद गरेको जग्गाको नापी कार्यालय भक्तपुरबाट एकीन गराउँदा फिल्डमा जग्गा कम रहेको पाइएको हो।
यस प्रकरणमा मध्यपुर ठिमी नगरपालिका वडा नं. ३ निकोसेरा बस्ने बर्ष ५२ को राजेश देशमरु, नुवाकोट समुन्द्रटार ६ स्थायी घर भई जिल्ला काठमाडौँ २६ मा बस्ने बर्ष ५७ को उमेश प्रसाद ढकाल, भक्तपुर चागुनारायण नगरपालिका-५ बस्ने बर्ष ५८ को मदन कृष्ण फोजु, उदयपुर कटारी ३ स्थायी घर भई हाल जिल्ला भक्तपुर मध्यपुरठिमी-१ बस्ने वर्ष ७० को संजिव थापा र काठमाडौ -१६ बालाजु बस्ने बर्ष ६७ को ईन्द्र बहादुर केसी रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
