काठमाडौं– नेपाली कांग्रेसका नेता कृष्णप्रसाद सिटौलाले निर्वाचन आयोगले लहडका भरमा गगन थापा नेतृत्वको कार्यसमितिलाई आधिकारिकता दिएको आरोप लगाएका छन्।
इतरपक्षको भेलालाई सम्बोधन गर्दै सिटौलाले गगन थापा नेतृत्वको कार्यसमितिलाई आधिकारिकता दिने क्रममा निर्वाचन आयोगका सम्बन्धित आयुक्तको भूमिकामाथि प्रश्न उठाएका हुन्। उनले कांग्रेसको विशेष महाधिवेशन र त्यसबाट बनेको कार्यसमितिलाई आफूहरूले स्वीकार गर्न नसकेको बताए।
सिटौलाले सर्वोच्च अदालतबाट निस्सा प्राप्त भएपछि न्याय पाउने विश्वास बढेको पनि बताए। उनले पार्टीभित्रको विवाद व्यक्तिगत पूर्वाग्रहका कारण नभई विधानको विषय भएको दाबी गरे।
उनले भने, ‘गगन भाइलाई सभापति भन्न मनै लागेको छैन। विशेष महाधिवेशनलाई मान्यता दिन सकिएको छैन। अराजक ढङ्गबाट गरिएको छ। व्यक्तिगत पूर्वाग्रह होइन। विधान विपरीत छ।’
सिटौलाले पार्टीमा भएको गल्ती सच्याएर अघि बढ्नुपर्नेमा जोड दिए। उनले विवादलाई थप जटिल बनाउनुको सट्टा विधान र विधिअनुसार समस्या समाधान गर्नुपर्ने सुझाव दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
