काठमाडौं– आईसीसी विश्वकप क्रिकेट लिग–२ अन्तर्गत अमेरिकाविरुद्ध नेपालका ओपनर कुशल भुर्तेल र आशिफ शेखले अर्धशतक पूरा गरेका छन् ।
यससँग एक दिवसीय खेलमा यी दुई ब्याटरबीच लामो समयपछि शतकीय बढीको साझेदारी पनि भएको छ ।
भुर्तेलले ४५ बलमा ७ चौका र २ छक्का प्रहार गरी अर्धशतक पूरा गरेका छन् । यता आशिफ शेखले ६७ बल खेल्दै ७ चौकाको सहयोगमा अर्धशतक पूरा गरेका छन् । एक दिवसीयमा शेखकको यो १५औं अर्धशतक हो । भुर्तेल भने ६८ रनमा अविजित रहेका छन् ।
नेपालले अमेरिकाले दिएको १९६ रनको लक्ष्य पछ्याउँदै गर्दा २४ ओभरको खेल सकिँदा कुनै विकेट नगुमाउँदै नेपालले १२६ रन बनाएको छ । अर्का ओपनर आशिफ शेख पनि ४६ रन बनाएर खेलिरहेका छन् ।
सन् २०२३ जुन १८ मा भएको एक दिवसीय विश्वकप छनोटपछि नेपाली ओपनरको यो सबैभन्दा ठूलो साझेदारी हो । त्यसबेला दुई ब्याटरबीच १७१ रनको ओपनिङ साझेदारी भएको थियो ।
आज पनि यी दुई ब्याटरबीच शतकीय साझेदारी पूरा भएको छ । कुशल भुर्तेलले ओडिआई करिअरमा आफ्नो १०औं अर्धशतक पूरा गरेका हुन् र शृङ्खलाको पहिलो खेलमा बेन्चमा थिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
