काठमाडौं– आईसीसी विश्वकप क्रिकेट लिग–२ मा नेपाले आज स्कटल्याण्डसँऊ खेल्दैछ। खेल विहान साढे ९ बजे त्रिवि क्रिकेट मैदानमा सुरु हुने नेपाल क्रिकेट संघ क्यानले जनाएको छ।
विश्वकप क्रिकेट लिग–२ अन्तर्गत २०२३ मा स्कटल्यान्डले नेपालमा दुवै खेल हारेको थियो। भारतमा भएको विश्वकप टी–२० क्रिकेट प्रतियोगितामा पनि नेपालले स्कटल्यान्डलाई हराएको थियो तर स्कटल्यान्ड एसोसिएट राष्ट्रमध्ये शीर्षस्थ टिम हो।
नेपालको अर्को प्रतिद्वन्द्वी अमेरिका रहेको छ। नेपालले मे १६ र २२ तारिखमा अमेरिकासँग खेल्ने छ।
यसअघिको घरेलु मैदानमै भएको नेपाल, यूएई र ओमानबीचको श्रृङ्खला नेपालका लागि सुखद रह्यो। नेपालले चारमध्ये तीन खेलमा जित निकाल्यो।
नेपाली टोलीमा रोहित पौडेल ९कप्तान०, दीपेन्द्र सिंह ऐरी ९उपकप्तान०, कुशल भुर्तेल, आरिफ शेख, भीम सार्की, आशिफ शेख, ईशान पाण्डे, गुलशन झा, सोमपाल कामी, सन्दीप लामिछाने, ललित राजवंशी, विनोद भण्डारी, नन्दन यादव, अर्जुन कुमाल र करण केसी रहेका छन्।
त्यस्तै यो सिरिजका लागि बसिर अहमदको स्थानमा ईशान पाण्डेलाई टिममा समावेश गरिएको छ। ओपनरका रुपमा कुशल भुर्तेल पनि टिममा फर्किएका छन्। पछिल्लो सिरिजमा विश्वास गरिएका अर्जुन कुमाल र विनोद भण्डारीले अर्को अवसर पाएका छन्उ।
नेपाललाई अनुकूल नतिजा दिलाउने जिम्मेवारी प्रमुख रूपमा दीपेन्द्रसिंह ऐरी र लेग स्पिनर सन्दीप लामिछानेमा रहने छ। यी दुवै स्टार अहिले शानदार लयमा रहेका छन्।
यसपालि पनि अर्को वर्ष विश्वकपको ग्लोबल क्वालिफायरमा स्वतः खेल्न र थप चार वर्षका लागि एकदिवसीय मान्यता प्राप्त गर्न नेपालले बाँकीका १२ मध्ये धेरैभन्दा धेरै खेल जित्नुपर्ने बाध्यता छ।
अंकतालिकामा अमेरिका शीर्षस्थानमा छ। २४ खेलमा १८ जित तथा ६ हारको नतिजासहित उसले ३६ अंक जोडेको छ। यस्तै, २८ खेलमा १४ जित र ८ हारको नजितासहित ३४ अंक बटुलेको स्कटल्याण्ड दोस्रो स्थानमा छ। नेपाल भने २४ खेलबाट ८ जित र १४ हारको नतिजाले १८ अंकसहित सातौं स्थानमा छ।
विश्वकप ग्लोबल छनोट दक्षिण अफ्रिका, जिम्बाब्वे र नामिबियाले संयुक्त रूपमा आयोजना गर्दैछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1764146706.png)
