काठमाडौं– आईसीसी विश्वकप लिग २ खेल्न नेपाल आएको स्कटल्यान्ड नेपाल ‘ए’टीमसँग पहिलो अभ्यास खेलमा ४५ रनले पराजित भएको छ ।
मूलपानी अन्तर्राष्ट्रिय क्रिकेट मैदानमा आजदेखि सुरु भएको अमेरिका, स्कटल्यान्ड र नेपाल ‘ए’ सम्मिलित पहिलो त्रिकोणात्मक खेलमा स्कटल्यान्ड नेपालसँग ४५ रनले पराजित भएको हो ।
पहिले व्याटिङ गर्दै नेपाल ‘ए’ ले दिएको २७८ रनको बलियो लक्ष्य पछ्याउने क्रममा स्कटल्यान्ड ४८ दशमलव २ ओभरमा अलआउट हुँदै २३२ रनमै समेटियो । स्कटल्यान्डका लागि फिन्ले म्याक्रियथले ५२ रनको अर्धशतकीय पारी खेले । यस्तै ज्याक जार्भिसले ४५, मार्क वाटले ३७, माथ्यू क्रसले २२, ब्रान्डन म्याकमुलेनले २१, ओलिभर डेभिन्टशनले १७ र जेस्पर डेभिन्डशनले अविजित १४ रनको योगदान दिए ।
-1778155080.jpg)
बलिङमा नेपालका लागि रासिद खानले सर्वाधिक ३ विकेट लिँदा साहब आलम, बसिर अहमद र युवराज खत्रीले २/२ र कुशल मल्लले १ विकेट लिए । सिरिज अन्तर्गत नेपालले दोस्रो खेल अमेरिकासँग र तेस्रो फेरि स्कटल्यान्ड र अन्तिम खेल फेरि अमेरिकासँगै खेल्नेछ ।
त्यसपछि मात्रै १२ तारिखदेखि नेपालले विश्वकप लिग दुई मा यी दुवै टिमसँग खेल्नेछ । आजको खेलमा टस जितेर पहिले ब्याटिङ गरेको नेपालले निर्धारित ५० ओभरमा ८ विकेट गुमाउँदै २७७ रन बनाएको थियो ।
नेपालका लागि देव खनालले अर्धशतकीय पारी खेले । उनले ६३ रनको सर्वाधिक पारी खेले । यस्तै ओपनर मयान यादवले ४५, सन्दीप जोराले ३४, पवन सर्राफले ३१, अनिल शाहले १८, बसिर अहमदले १७, रासिद खानले अविजित १४ रन बनाउँदा दीपकप्रसाद डुम्रेले मात्र ७ बलमा अविजित २३ रनको पारी खेले । अन्तिम ओभरमा डुम्रेले चार चौका र एक छक्का हिर्काएपछि नेपाल बलियो लक्ष्यसम्म पुगेको हो ।
यता स्कटल्यान्डका लागि ब्राड्ली कर्री र सफियान सर्फाफले २/२ विकले लिँदा ज्याक जार्भिस, ओलिभर डेभिन्डशन, ब्रान्डन म्याकमुलेन र मार्क वाटले १/१ विकेट लिए । जेस्पर डेभिन्डशन सर्वाधिक महँगा बलर सावित भए । मात्र ६ ओभर बलिङ गरेका उनले बिना विकेट ६५ रन खर्चिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778155080.jpg)
-1764146706.png)
