काठमाडौं– आईसीसी विश्वकप लिग २ खेल्न नेपाल आएको स्कटल्यान्डले नेपाल ‘ए’टीमसँगको पहिलो अभ्यास खेलमा बलियो लक्ष्य पाएको छ ।
अमेरिका, स्कटल्यान्ड र नेपाल ‘ए’ सम्मिलित पहिलो त्रिकोणात्मक खेलमा नेपाल ‘ए’ ले पहिलो खेलमा २७८ रनको बलियो लक्ष्य प्रस्तुत गरेको छ ।
टस जितेर पहिले ब्याटिङ रोजेको नेपालले निर्धारित ५० ओभरमा ८ विकेट गुमाउँदै २७७ रनको योगफल तयार गरेको हो ।
नेपालका लागि देव खनालले अर्धशतकीय पारी खेले । उनले ६३ रनको सर्वाधिक पारी खेले । यस्तै ओपनर मयान यादवले ४५, सन्दीप जोराले ३४, पवन सर्राफले ३१, अनिल शाहले १८, बसिर अहमदले १७, रासिद खानले अविजित १४ रन बनाउँदा दीपकप्रसाद डुम्रेले मात्र ७ बलमा अविजित २३ रनको पारी खेले । अन्तिम ओभरमा डुम्रेले चार चौका र एक छक्का हिर्काएपछि नेपाल बलियो लक्ष्यसम्म पुगेको हो ।
यता स्कटल्यान्डका लागि ब्राड्ली कर्री र सफियान सर्फाफले २/२ विकले लिँदा ज्याक जार्भिस, ओलिभर डेभिन्डशन, ब्रान्डन म्याकमुलेन र मार्क वाटले १/१ विकेट लिए । जेस्पर डेभिन्डशन सर्वाधिक महँगा बलर सावित भए । मात्र ६ ओभर बलिङ गरेका उनले बिना विकेट ६५ रन खर्चिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
