काठमाडौं – युवा ब्याटर अर्जुन कुमालले एकदिवसीय अन्तर्राष्ट्रिय क्रिकेट (ओडीआई)मा डेब्यू गरेका छन् ।
नेपालले शुक्रबार क्रिकेट विश्वकप लिग २ को यूएईविरुद्धको खेलमा उनलाई पहिलो पटक टोलीमा समावेश गरेको छ ।
अघिल्लो महिना सम्पन्न प्रधानमन्त्री कप राष्ट्रिय प्रतियोगितामा उनले गण्डकी प्रदेशबाट खेल्दै ५ सय भन्दा बढी रन बनाएका थिए ।
उनलाई कप्तान रोहित पौडेलले डेब्यु क्याप हस्तान्तरण गरे ।
अर्जुनले प्रधानमन्त्री (पीएम) कप एकदिवसीय क्रिकेटमा उत्कृष्ट प्रदर्शन गरेका थिए । सोही प्रदर्शनको आधारमा उनले पहिलोपटक राष्ट्रिय टोलीमा स्थान बनाएका हुन् ।
क्रिजमा जमेर लामो इनिङ खेल्ने क्षमता अर्जुनमा छ ।
नेपालले त्रिवि अन्तर्राष्ट्रिय क्रिकेट मैदान कीर्तिपुरमा पहिला ब्याटिङ गर्ने भएको छ । कप्तान रोहित पौडेलले टस जितेर यूएईलाई फिल्डिङ गर्ने निर्णय गरेका हुन् ।
नेपाल २२ खेलमा १४ अंक जोडि सातौं र यूएई १२ अंकका साथ आठौं स्थानमा छ । आठ राष्ट्र सम्मिलित लिग २ का शीर्ष चार सोझै विश्वकप छनोटमा पुग्ने प्रावधान रहेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
