दुई खेलको टी–२० आई सिरिजमा नेपाल पहिलो खेलमा यूएईसँग ६ विकेटले पराजित भएको छ ।
कीर्तिपुरस्थित त्रिवि क्रिकेट मैदानमा भएको खेल वर्षाले प्रभावित बनेको थियो । वर्षा रोकिएपछि सुरु भएको खेलमा यूएईले नेपाललाई पराजित गरेको हो ।
टस हारेर पहिले ब्याटिङको निम्तो पाएको नेपालले वर्षा सुरु हुनुअघि १८ दशमलव ५ ओभरमा ८ विकेट गुमाउँदै १२२ रन मात्र बनाएको थियो ।
वर्षाका कारण समय अभावमा यूएईले १० ओभरमा ७८ रनको लक्ष्य पाएको थियो । उसले मात्र ४ विकेटको क्षतिमा लक्ष्य पूरा गर्यो । नेपालका लागि सन्दीप लामिछानेले २ ओभरमा ८ रन खर्चिँदै ३ विकेट लिँदा कुशल मल्लले एक विकेट लिए ।
पहिलो ओभरमै हेमन्त धामीले २० खर्चिएपछि नेपाल दबाबमा परेको थियो । दोस्रो ओभरमा विकेट किपर अर्जुन साउदले क्याच मिस गर्दा पनि नेपालले लय समाउन समय लाग्यो ।
नेपालका लागि कप्तान दीपेन्द्र सिंह ऐरीले अविजित ३२ रन बनाउँदा कुशल मल्लले १७ रन र नन्दन यादवले १३ रन जोडे ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
