काठमाडौं– टी–२० विश्वकपको दोस्रो सेमिफाइनल खेलमा भारतले इंग्ल्यान्डलाई २५४ रनको विशाल लक्ष्य प्रस्तुत गरेको छ । टस हार्दै पहिले ब्याटिङको निम्तो पाएको भारतले निर्धारित २० ओभरमा ७ विकेट गुमाउँदै २५३ रन बनाएको हो ।
भारतका लागि ओपनर सञ्जु श्यामसनले ८९ रनको आक्रामक पारी खेले । उनले ४२ बलमा ८ चौका र ७ छक्का प्रहार गरे । ४ छक्का र एक चौकासहित शिवम दुवेले ४३ रन बनाए भने इशान किशनले १८ बलमा ३९ र हार्दिक पाण्ड्याले २७ रन बनाए ।
तिलक वर्माले मात्र ७ बलमा २१ रन बनाए भने कप्तान सूर्यकुमार यादवले ११ रन बनाए । यस विश्वकपमा एक मात्र खेलमा रन बनाएका ओपनर अभिषेक शर्मा आजको खेलमा पनि चल्न सकेनन् । मात्र ९ रन बनाएर उनी पहिलो विकेटका रुपमा पेभिलियन फर्किएका थिए ।
नकआउट खेलमा २५० माथिको रन स्कोर भारतका लागि यो पहिलो हो । यसअघि सन् २०१२ मा वेस्टइन्डिजविरुद्ध २०५ रन बनाएको थियो ।
यता इंग्ल्यान्डका दुई जना बलरले ५० माथिको रन खर्चिएका छन् । प्रिमियम बलरका रुपमा रहेका जोफ्रा आर्चरले अन्तिममा एक विकेट निकाले पनि सबैभन्दा महँगो सावित भए । उनले ४ ओभरमा एक विकेट निकाल्दै ६१ रन खर्चिए । यस्तै नेपालसँगको खेलमा कसिलो बलिङ गरेर जित दिलाएका श्याम करण आज विकेट विहीन रहँदै १३.२५ को इकोनोमिमा रन खर्चिए । उनले ४ ओभरमा ५३ रन खर्चिए ।
यस्तै २ विकेट लिएका विल ज्याक्सले ४ ओभरमा ४० रन खर्चिए । २ विकेट नै निकालेका आदिल रासिदले पनि आज ४ णभरमा ४१ रन खर्चिए । अन्य बलरहरु पनि महँगा सावित हुँदा इंग्ल्यान्डले २५४ रनको विशाल लक्ष्य पाएको हो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
