काठमाडौं– ओपनर सञ्जु श्यामसनको उत्कृष्ट पारीमा वेस्टइन्डिजलाई हराउँदै भारत टी–२० विश्वकपको सेमिफाइनलमा पुगेको छ ।
सुपर ८ मा दुवैका लागि महत्त्वपूर्ण खेलमा वेस्टइन्डिजले दिएको १९६ रनको लक्ष्य भारतले १९ दशमलव २ ओभरमा पूरा गर्दै पाँच विकेटको जित निकाल्यो ।
भारतको जितमा ओपनर श्यामसनले ९७ रनको अविजित पारी खेले । यस्तै तिलक वर्माले २७, हार्दिक पाण्ड्या १७, सूर्यकुमार यादव १८, इशान किशन र अभिषेक शर्माले १०/१० रन बनाउँदा शिवम दुवे ८ रनमा अविजित रहे ।
बलिङतर्फ वेस्टइन्डिजका लागि जेशन होल्डर र समर जोशेफले २/२ विकेट लिँदा अकील होसाइनले १ विकेट लिए ।
त्यसअघि पहिले ब्याटिङ गरेको वेस्टइन्डिजले निर्धारित २० ओभरमा मात्र ४ विकेट गुमाउँदै १९५ रन बनाएको थियो । उसका लागि साई होपले ३२, रोस्टन चेजले ४०, जेशन होल्डरले ३७, रोभमन पावेलले ३४, शिमरन हेटमायरले २७ र शेरफन रथरफोर्डले १४ रन बनाए ।
बलिङमा भारतका लागि जप्रीत बुमराहले २, हार्दिक पाण्ड्या र वरुण चक्रवर्तीले १/१ विकेट लिए । यससँगै सेमफाइलनमा पुग्ने चारवटै टिम टुंगिएका छन् । अब पहिलो सेमिफाइनल दक्षिण अफ्रिका र न्यूजिल्यान्डबीच हुनेछ भने भारतले इंग्ल्यान्डको सामना गर्नेछ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772271039.png)
