काठमाडौं– आईसीसी टी–२० विश्वकपका लागि भारतमा रहेको नेपाली राष्ट्रिय क्रिकेट टोलीले आज पहिलो अभ्यास खेलमा यूनाइटेड अरब इमिरेट्स (यूएई)द्वारा १४६ रनको चुनौतीपूर्ण लक्ष्य पाएको छ ।
चेन्नईस्थित एमए चिदम्बरम रङ्गशालामा टस हार्दै ब्याटिङको निम्तो पाएको यूएईले निर्धारित २० ओभरमा ६ विकेट गुमाउँदै १४५ रन बनायो ।
यूएईका लागि सोहेब खानले सर्वाधिक ३८ रन बनाउँदा हर्सित कौसिकले ३५ रन जोडे । यस्तै आर्यान्स शर्माले २५, मोहम्मद जैबले १९ तथा अलिशान शराफूले १२ रन जोडे ।
बलिङमा नेपालका लागि सन्दीप लामिछाने र करण केसीले २/२ विकेट लिँदा दीपेन्द्र सिंह ऐरीले १ विकेट लिए ।
दुवै अभ्यास खेल विश्वकप खेलिने एमए चिदम्बरम मैदानमै आयोजना हुँदैछन्, जसले टोलीलाई मैदान र परिस्थितिसँग अभ्यस्त हुन सहयोग गर्ने अपेक्षा नेपाल क्रिकेट संघ क्यानको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
