काठमाडौँ – बंगलादेश प्रिमियर लिग जारी रहेका बेला ढाका क्यापिटल्सका सहायक प्रशिक्षक महबुब अली जाकीको शनिबार अचानक मृत्यु भएको छ ।
सिल्हेट अन्तर्राष्ट्रिय क्रिकेट रंगशालामा राजशाही वारियर्सविरुद्धको आफ्नो टोलीको पहिलो खेल हुनुभन्दा केही मिनेट अघि उनी मैदानमै ढलेका थिए ।
टोलीका कर्मचारी र मेडिकल टोलीले तुरुन्तै सिपिआर दिए र उनलाई एम्बुलेन्सबाट अल हरामैन अस्पताल लगियो, जहाँ डाक्टरहरूले उनलाई मृत घोषित गरेका थिए ।
यो अचानक भएको घटनाले रंगशालामा रहेका सबैलाई स्तब्ध बनायो । टोलीका अधिकारीहरूका अनुसार, जाकीले पहिले कुनै स्वास्थ्य समस्याको गुनासो गरेका थिएनन् । घटनाको खबर फैलिएपछि, धेरै लिगका खेलाडीहरू अस्पताल पुगेका थिए ।
आजको खेलपछि जाकीको शवलाई स्टेडियममा ल्याएर फ्यानहरुकै अगाडी अन्तिम श्रद्धाञ्जली दिइएको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
