काठमाडौं– नेपाल प्रिमियर लिग (एनपीएल) सिजन–२ को पहिलो क्वालिफायरमा सुदूरपश्चिम रोयल्सले विराटनगर किङ्सलाई १५६ रनको चुनौतीपूर्ण लक्ष्य दिएको छ ।
टस हारेर पहिले ब्याटिङको निम्तो पाएको सुदूरपश्चिमले ओपनर तथा विकेटकिपर विनोद भण्डारीको अर्धशतकीय इनिङ्समा निर्धारित २० ओभरमा सात विकेट गुमाउँदै १५५ रन बनायो ।
विनोदले ५२ बलमा ६३ रनको योगदान दिए । यस्तै श्लेडन ज्याक्सन र आरिफ शेखले २०/२० रन बनाउँदा हरमित सिंहले १४, इशान पाण्डेले १३ र मख्तार अमिदले १० रन बनाए । कप्तान दीपेन्द्र सिंह ऐरी भने ३ रनमै रनआउट भए ।
विराटनगरका लागि मार्सेन्ट डिलाङ्गे र प्रतीश जिसीले २/२ विकेट लिँदा सूर्य तामाङ र श्याम हेजलेटले १/१ विकेट लिए ।
यो खेलमा जित निकाल्ने टोली फाइनलमा प्रवेश गर्नेछ । पराजित हुने टोली इलिमिनेटरको विजेता हुने टोलीसँग दोस्रो क्वालिफायर खेल्नेछ । इलिमिनेटरमा काठमाण्डु गोर्खाज र लुम्बिनी लायन्स खेल्नेछन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
