काठमाडौँ – मार्क वाटको शतकको सहयोगमा कर्णाली याक्सले नेपाल प्रिमियर लिग (एनपीएल)मा लुम्बिनी लायन्समाथि सहज जित निकालेको छ।
शनिबार भएको खेलमा कर्णालीले लुम्बिनी लायन्सलार्य ९ विकेटले हराएको हो। त्रिवि क्रिकेट मैदानमा लुम्बिनीले दिएको १५७ रनको लक्ष्य कर्णालीले १२ ओभर २ बलमा मात्र एक विकेट गुमाउँदै लक्ष्य पूरा गरेको हो।
कर्णालीका लागि मार्क वाटले ११४ रनको शतकीय पारी खेले। ४४ बल खेलेका उनले ६ चौका र १२ छक्का प्रहार गरे।
यस्तै विलियम बोसिस्टोले २० बलमा अविजित २९ रन बनाए।
ओपनिङमा प्रमोट भएका मार्क वाटले पहिलो विकेटका लागि प्रियांक पाञ्चलसँग ३.५ ओभरमा ३८ रनको साझेदारी गर्दै राम्रो सुरुवात दिलाएका थिए।पाञ्चल
आज १२ रन बनाएर आउट भए।
बलिङमा लुम्बिनी लायन्सका शेर मल्लले एक विकेट लिनुबाहेक अन्य कुनै पनि बलरले विकेट निकाल्न सकेनन्। त्यसअघि पहिले ब्याटिङ गरेको लुम्बिनीले निर्धारित २० ओभरमा ८ विकेट गुमाउँदै १५६ रन बनाएको थियो।
लुम्बिनीका लागि कप्तान रोहितकुमार पौडेलले सर्वाधिक ४९ रन बनाए। ४३ बलको सामना गरेका उनले ४ चौका र २ छक्का प्रहार गरे।
यस्तै जे–जे स्मिथले १४ बलमा २ चौका र १ छक्कासहित २३ रन बनाउँदा डार्शी शर्टले १३ बलमा चार चौकासहित १९ रन बनाए। रुबेन ट्रम्पलम्यानले ३ छक्का र एक चौकासहित २९ रन बनाउँदा शेर मल्ल ७ रनमा नटआउट रहे।
कर्णालीका लागि नन्दन यादवले २ विकेट लिँदा, सोमपाल कामी, गुल्शन झा, मार्क वाट, विपीन शर्मा र युवराज खत्रीले एक/एक विकेट लिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
