काठमाडौं–नेपाल प्रिमियर लिग दोस्रो सिजनका लागि टिमहरुले विदेशी खेलाडी अनुबन्ध गर्न थालेका छन् ।
विराटनगर किङ्सले स्कटल्यान्डका जर्ज मुन्सीलाई अनुबन्ध गरेर सुरु भएको विदेशी खेलाडी भित्र्याउने क्रममा आज लुम्बिनी लायन्सले पनि यो सिजनका लागि आफ्नो पहिलो विदेशी खेलाडी अनुबन्ध गरेको छ ।
लुम्बिनी लायन्सले नेपाल प्रिमियर लिग (एनपिएल) को दोस्रो संस्करणका लागि अष्ट्रेलियाका डार्शी शर्टलाई अनुबन्ध गरेको हो।
डार्शीले अष्ट्रेलियाबाट सन् २०१८ देखि २०२० सम्म टि ट्वान्टी आई र ओडिआई खेलेका थिए ।
बाँयाहाते ओपनिङ ब्याटर डार्शीसंग भारतीय प्रिमियर लिग (आइपिएल), बिग ब्यास लिग जस्ता विश्वस्तरीय लिग खेलेको अनुभव छ ।
३५ वर्षीय डार्शीको आगमनले लुम्बिनीको ब्याटिङ लाइन थप मजबुत हुने अपेक्षा रहेको क्लबले आज विज्ञप्ति मार्फत जनाएको छ । यस्तै विराटनगर किङ्सले अर्को खेलाडी पनि अनाउन्स गरेको छ । तर नाम भने सार्वजनिक गरेको छैन ।
८ टोलीको सहभागितामा एनपिएलको दोस्रो संस्करण मंसिर १ गते सुरु हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
